حیرت ہے، وہی راستہ، وہی سکیورٹی، مگر آج کوئی خطرہ نہیں، محمد حفیظ کا نیوزی لینڈ کرکٹ ٹیم پر طنز

آل رائونڈر نے کیوی ٹیم کو باحفاظت ایئرپورٹ پہنچانے پر سکیورٹی فورسز کا شکریہ بھی ادا کیا

ذیشان مہتاب اتوار 19 ستمبر 2021 13:06

حیرت ہے، وہی راستہ، وہی سکیورٹی، مگر آج کوئی خطرہ نہیں، محمد حفیظ ..

لاہور (اردو پوائنٹ تازہ ترین اخبار ۔ 19 ستمبر 2021ء ) قومی ٹیم کے آل راؤنڈر محمد حفیظ نے کیوی ٹیم کی وطن واپسی پر طنزیہ ٹویٹ کردیا۔ تفصیلات کے مطابق کے مطابق قومی ٹیم کے 40 سالہ آل راؤنڈر محمد حفیظ نے سماجی رابطے کی ویب سائٹ ٹویٹر پر لکھا کہ ’حیرت ہے، وہی راستہ، وہی سکیورٹی، مگر آج کوئی خطرہ نہیں ہے‘۔ محمد حفیظ نے کیوی ٹیم کو باحفاظت ایئرپورٹ پہنچانے پر سکیورٹی فورسز کا شکریہ بھی ادا کیا۔

Thanks to the secutity of pakistan forces to make arrangements to @BLACKCAPS to reach at airport Safe & Sound. Wonder same route & same security but no threat today??? pic.twitter.com/mwxq6AFjyT
— Mohammad Hafeez (@MHafeez22) September 18, 2021

واضح رہے کہ کیوی ٹیم کی وطن واپسی کی تیاریاں مکمل کرلی گئی ہیں، 33 رکنی سکواڈ کے کورونا ٹیسٹ بھی منفی آگئے، ابوظبی سے آنے والا چارٹر طیارہ اسلام آباد ایئرپورٹ پر لینڈ کرگیا۔ خصوصی طیارے نے شام 5 بجے اسلام آباد پہنچنا تھا لیکن طیارہ سوا گھنٹے کی تاخیر سے پہنچا، طیارہ کچھ دیر بعد کیوی ٹیم کو لے کر واپس روانہ ہوگا۔

(جاری ہے)

ٰیاد رہے کہ نیوزی لینڈ کرکٹ ٹیم نے سکیورٹی خدشات کو جواز بنا کر پاکستان کا دورہ اچانک ختم کرنے کا اعلان کردیا جس کے بعد دونوں ٹیموں کے درمیان سیریز ملتوی کردی گئی تھی۔ خیال رہے کہ 18سال بعد نیوزی لینڈ کی ٹیم پاکستان میں سیریز کھیلنے کے لیے آئی تھی اور ٹیم کی آمد سے قبل نیوزی لینڈ کی سکیورٹی ٹیم نے بھی انتظامات پر اطمینان کا اظہار کیا تھا۔