ڈیلی الاؤنس نہ ملنے پر ہاکی ٹیم کے صبر کا پیمانہ لبریز، فیڈریشن عہدیدار غائب

قومی ہاکی ٹیم کے فی کھلاڑی کے تقریباً 5،5 لاکھ روپے واجب الادا ہیں

ذیشان مہتاب بدھ 9 جولائی 2025 15:38

ڈیلی الاؤنس نہ ملنے پر ہاکی ٹیم کے صبر کا پیمانہ لبریز، فیڈریشن عہدیدار ..

لاہور (اردو پوائنٹ تازہ ترین اخبار ۔ 9 جولائی 2025ء ) قومی ہاکی ٹیم کے کھلاڑی تاحال ڈیلی الاؤنس کے منتظر ہیں۔

ذرائع کے مطابق ڈیلی الاؤنس کے معاملے پر اب تک پیشرفت نہیں ہوسکی ہے اور فیڈریشن کے عہدیداران نے جواب دینا بھی بند کردیا ہے۔

ذرائع کا بتانا ہے کہ اب کھلاڑیوں کے صبر کا پیمانہ لبریز ہونے لگا ہے اور وہ جواب نہ ملنے پر شدید غصے میں ہیں، فی کھلاڑی کے تقریباً 5،5 لاکھ روپے واجب الادا ہیں۔

(جاری ہے)

ذرائع کے مطابق ایف آئی ایچ نیشنز کپ کے دوران انٹرنیشنل ڈیلیز ادا نہ ہو ئیں جب کہ اسلام آباد میں 2 مرحلوں میں لگائے جانے والے کیمپس کی بھی ڈیلیز نہیں ملیں۔ ذرائع نے مزید بتایا کہ کھلاڑیوں کو انٹرنیشنل 30 ہزار روپے اور ڈومیسٹک 3 ہزار روپے ڈیلی الاؤنس ملتا ہے۔