مونگ و ماش کی بیماریوں اور کیڑے مکوڑوں کے تدارک کے لئے مناسب حکمت عملی اختیارکی جائے ،ترجمان محکمہ زراعت

جمعہ 15 اکتوبر 2021 15:15

قصور(اُردو پوائنٹ اخبارتازہ ترین - اے پی پی۔ 15 اکتوبر2021ء) ترجمان محکمہ زراعت نے کہاہے کہ مونگ وماش کی اچھی پیداوار کے لئے آبپاشی کے خاص خیال سمیت جڑی بوٹیوں کی بروقت تلفی یقینی بنائی جائے اور مونگ و ماش کی بیماریوں اور کیڑے مکوڑوں کے تدارک کے لئے بھی مناسب حکمت عملی اختیارکی جائے تاکہ بعدازاں کسی نقصان کا اندیشہ نہ رہے۔

(جاری ہے)

انہوں نے دوران ملاقات ”اے پی پی“کوبتایا کہ مونگ ماش کی فصل کو تین پانی درکار ہوتے ہیں جن میں سے پہلاپانی اگاؤ کے تین ہفتہ بعد‘دوسرا پانی پھول نکلنے اور تیسرا پانی پھلیاں بننے پردیاجاناچاہئیے۔

انہوں نے کہا کہ کاشتکاربارش کی صورت میں حسب ضرورت آبپاشی کریں تاہم زیادہ دیرتک پانی کو کھیت میں کھڑا نہ ہونے دیاجائے اور زائد پانی کی صورت میں اس کے نکاس کے لئے فوری اقدامات کئے جائیں۔

متعلقہ عنوان :