دبئی ؛ جبل علی انڈسٹریل ایریا میں آتشزدگی‘ گھنے دھویں کے سیاہ بادل چھاگئے

آئل ویسٹ ڈسپوزل یونٹ میں لگنے والی آگ کی وجہ سے علاقے میں گھنا دھواں دیکھا گیا

ساجد علی پیر 18 اکتوبر 2021 15:13

دبئی ؛ جبل علی انڈسٹریل ایریا میں آتشزدگی‘ گھنے دھویں کے سیاہ بادل ..

دبئی ( اُردو پوائنٹ اخبار تازہ ترین ۔ 18 اکتوبر 2021 ) دبئی میں واقع جبل علی انڈسٹریل ایریا میں ہونے والی آتشزدگی کے باعث علاقے میں گھنے دھویں کے سیاہ بادل چھاگئے۔ اماراتی میڈیا کے مطابق پیر کی دوپہر سے کچھ دیر پہلے اچانک جبل علی انڈسٹریل ایریا میں آگ بھڑک اٹھی ، آئل ویسٹ ڈسپوزل یونٹ میں لگنے والی آگ کی وجہ سے اس علاقے میں گھنا دھواں دیکھا گیا جو کہ تیل کے مواد کے جلنے کے باعث اٹھ رہا تھا تاہم فائر فائٹرز نے جبل علی انڈسٹریل ایریا میں تیل کے کچرے کے ڈمپ میں لگی آگ پر قابو پالیا۔

اس حوالے سے دبئی میڈیا آفس نے دبئی سول ڈیفنس ٹیموں کی تصاویر کو ٹویٹ کیا اور لکھا کہ فائر فائٹرز آگ سے لڑ رہے ہیں ، یہ سائٹ علاقے کی دیگر فیکٹریوں سے بہت دور ہے ، صورتحال قابو میں ہے جب کہ آگ لگنے کی وجہ سے کسی جانی نقصان کی اطلاع نہیں ملی۔

(جاری ہے)

جانب من جهود فرق الدفاع المدني في #دبي في التعامل مع حادث حريق في مكب لمخلفات الزيوت في منطقة جبل علي الصناعية وهي منطقة بعيدة عن المصانع القائمة في المنطقة. ولم يتم تسجيل أي إصابات جراء هذا الحادث، والدخان الكثيف المشاهد في المنطقة ناجم عن احتراق المواد الزيتية. pic.twitter.com/LrbqzoVWue
— Dubai Media Office (@DXBMediaOffice) October 18, 2021

گزشتہ ماہ 28 ستمبر کو دبئی میں ایک شوروم میں آگ لگنے سے 55 چمکتی دمکتی مہنگی گاڑیاں تباہ ہوگئی تھیں ، خوفناک آتشزدگی کی ویڈیو وائرل ہوئی ، یہ واقعہ دبئی کے علاقہ راس الخور میں پیش آیا ، جہاں واقع ایک شو روم میں منگل کے روز صبح سویرے آگ لگ گئی ، جس کی اطلاع ملتے ہی فائر فائٹرز محض 6 منٹ میں جائے وقوعہ پر پہنچ گئے لیکن آگ اتنی تیزی سے پھیلی کہ اس نے دیکھتے ہی دیکھتے 8 شو رومز کو اپنی لپیٹ میں لے لیا ، تاہم خوش قسمتی سے اس دوران کوئی جانی نقصان نہیں ہوا۔

دبي .. الدفاع المدني يسيطر على حريق في معرض للسيارات

سيطرت فرق الدفاع المدني في دبي على حريق في معرض للسيارات امتد إلى عدة معارض مجاورة في منطقة راس الخور، حيث تمت السيطرة على الحريق من دون وقوع أي إصابات أو وفيات، في حين تضرر 55 سيارة من مجموع 8 معارض في موقع الحادث. pic.twitter.com/tzPllzttil
— شبكة أبوظبي (@NET_AD) September 28, 2021

اس سے پہلے رواں برس 25 اگست کو دُبئی ایئرپورٹ کے قریب واقع ایک گودام میں آگ بھڑک اُٹھی تھی ، جس سے آس پاس کے لوگوں میں خوف و ہراس پھیل گیا تھا ، یہ آگ دُبئی ایئرپورٹ کے قریبی علاقے پورٹ سعید میں ایک گودام میں لگی تھی ، جس کی ویڈیوز اور تصاویر بھی سوشل میڈیا پر وائرل ہو گئیں۔

دُبئی میڈیا آفس نے بتایا کہ رات گئے اس آگ پر قابو پا لیا گیا تھا جس کے بعد یہاں پر کولنگ کا عمل بھی کیا گیا تاہم پلاسٹک کا مواد ہونے کی وجہ سے آگ تیزی سے پھیلی لیکن خوش قسمتی سے کوئی جانی نقصان نہیں ہوا۔