کووڈ ویکسینز ڈیلٹا سے بیمار افراد کا موت خطرہ کم کرنے کیلئے 90 فیصد تک موثر

کووڈ سے موت کی روک تھام کے حوالے سے موڈرنا کی افادیت کا تخمینہ لگانا ممکن نہیں،محققین

جمعہ 22 اکتوبر 2021 12:41

کووڈ ویکسینز ڈیلٹا سے بیمار افراد کا موت خطرہ کم کرنے کیلئے 90 فیصد تک ..
ایڈن برگ(اُردو پوائنٹ اخبارتازہ ترین - این این آئی۔ 22 اکتوبر2021ء) ویکسینیشن سے کورونا کی قسم ڈیلٹا سے بیمار ہونے پر موت کا خطرہ 90 فیصد تک کم ہوجاتا ہے۔میڈیارپورٹس کے مطابق یہ بات اسکاٹ لینڈ میں ہونے والی ایک طبی تحقیق میں سامنے آئی۔میڈیارپورٹس کے مطابق ایڈنبرگ یونیورسٹی کی جانب سے جاری ڈیٹا کے لیے پورے اسکاٹ لینڈ میں کووڈ سرویلنس ٹول کو استعمال کیا گیا۔

نتائج سے معلوم ہوا کہ ڈیلٹا سے موت کا خطرہ کم کرنے کے لیے فائزر/ بائیو این ٹیک ویکسین 90 فیصد جبکہ ایسٹرا زینیکا ویکسین 91 فیصد تک موثر ہے۔تحقیق کے لیے ان افراد کا جائزہ لیا گیا تھا جن کی ویکسینیشن مکمل ہوچکی تھی مگر بعد ازاں کووڈ 19 کی تشخیص ہوئی۔یہ پہلی تحقیق ہے جس میں ثابت ہوا ہے کہ پورے ملک میں ویکسینیشن کورونا کی قسم ڈیلٹا سے متاثر ہونے پر موت سے بچانے کے لیے کس حد تک موثر ہے۔

(جاری ہے)

محققین نے ایسے مریضوں کو کووڈ کے نتیجے میں ہلاک قرار دیا جو مثبت پی سی آر ٹیسٹ کے بعد 28 دن کے اندر چل بسے یا موت کے سرٹیفکیٹ میں کووڈ کو وجہ قرار دیا گیا ہو۔اس تحقیق میں یکم اپریل سے 27 ستمبر کے دوران اسکاٹ لینڈ کے 54 لاکھ افراد کے ڈیٹا کا تجزیہ کیا گیا تھا۔اس عرصے میں ایک لاکھ 15 ہزار افراد میں کووڈ 19 کی تصدیق پی سی آر ٹیسٹ کے ذریعے ہوئی اور 201 مریض ہلاک ہوئے۔

ڈیٹا کے مطابق اس عرصے میں اسکاٹ لینڈ میں موڈرنا ویکسینیشن کرانے والے کوئی فرد کووڈ کے باعث ہلاک نہیں ہوا۔محققین کا کہنا تھا کہ اس وجہ سے کووڈ سے موت کی روک تھام کے حوالے سے موڈرنا کی افادیت کا تخمینہ لگانا ممکن نہیں۔اب تک اسکاٹ لینڈ میں 87.1 فیصد بالغ افراد کی کووڈ ویکسینیشن مکمل ہوچکی ہے اور 50 سال سے زائد عمر کے تمام افراد کو تیسری خوراک فراہم کرنے کا اعلان بھی کیا گیا ہے جبکہ طبی عملے اور مختلف طبی مسائل کے شکار جوان افراد کو بھی بوسٹر ڈوز فراہم کیا جائے گا۔

محققین نے بتایا کہ دنیا کے متعدد مقامات میں ڈیلٹا قسم کو غلبہ حاصل ہوچکا ہے اور سابقہ اقسام کے مقابلے میں یہ قسم ہسپتال میں داخلے کا خطرہ بڑھ رہا ہے، تو نتائج سے یہ یقین دہانی خوش آئند ہے کہ ویکسینیشن موت سے بچانے کے لیے کتنی موثر ہے۔انہوں نے مزید بتایا کہ اگر آپ نے ابھی تک ویکسینز کا استعمال نہیں کیا تو ایسے کرلیں اور یہ مشورہ ہم اس کے واضح فوائد کی بنیاد پر دے رہے ہیں۔

متعلقہ عنوان :