جونیئر ہاکی ورلڈکپ میں پاکستان اپنا دوسرا میچ 27 نومبر کو مصر کے خلاف کھیلے گا

بدھ 24 نومبر 2021 16:00

بھوبنیشور(اُردو پوائنٹ اخبارتازہ ترین - اے پی پی۔ 24 نومبر2021ء) جونیئر ہاکی ورلڈکپ میں پاکستان اپنا دوسرا گروپ میچ 27 نومبر کو مصر کے خلاف کھیلے گا۔ ایف آئی ایچ کے زیر اہتمام 12 واں جونیئر ہاکی ورلڈ کپ بھارت کے شہر بھوبنیشور میں شروع ہو گیا ہے۔

(جاری ہے)

پاکستان گروپ ڈی میں ارجنٹائن، مصر اور جرمنی کے ساتھ شامل ہے۔ پہلے میچ میں گرین شرٹس کو جرمنی کے ہاتھوں 2-5 سے شکست کا سامنا کرنا پڑا تھا۔ قومی ٹیم اپنا دوسرا گروپ میچ 27 نومبر کو مصر جبکہ تیسرا اور آخری گروپ میچ 28 نومبر کو ارجنٹائن کے خلاف کھیلے گی۔