پہلی اننگز میں پانچ وکٹیں حاصل کرنے پر بہت خوشی ہے،حسن علی

جیسی بھی کنڈیشنز ہوں دن کے آغاز میں ہمیشہ باؤلرز کو مدد ملتی ہے، گفتگو

ہفتہ 27 نومبر 2021 23:48

پہلی اننگز میں پانچ وکٹیں حاصل کرنے پر بہت خوشی ہے،حسن علی

چٹاگانگ (اُردو پوائنٹ اخبارتازہ ترین - این این آئی۔ 27 نومبر2021ء) قومی ٹیم کے فاسٹ بائولر حسن علی نے کہاہے کہ پہلی اننگز میں پانچ وکٹیں حاصل کرنے پر بہت خوشی ہے،جیسی بھی کنڈیشنز ہوں دن کے آغاز میں ہمیشہ باؤلرز کو مدد ملتی ہے۔

(جاری ہے)

میڈیا سے گفتگو کرتے ہوئے حسن علی نے کہاکہ یہی پلان تھا کہ آج دن کے آغاز میں جلد وکٹیں حاصل کرنی ہیں، پچ سلو ہے، فاسٹ باؤلرز کے لیے آسان نہیں۔ انہوںنے کہاکہ پہلی اننگز میں پانچ وکٹیں حاصل کرنے پر بہت خوشی ہے۔ انہوںنے کہاکہ رواں سال ہمارے فاسٹ باؤلرز نے ٹیسٹ کرکٹ میں زبردست باؤلنگ کی،ہمیشہ کہتا ہوں کہ باؤلرز ہی میچز جتواتے ہیں۔ انہوںنے کہاکہ ہمارے باؤلرز کی اچھی کارکردگی کا ثمر ٹیم کی کامیابی کی صورت میں ملے گا۔