سابق صدر آصف علی زرداری کا سینئر صحافی ایم ضیاالدین کے انتقال پر اظہار افسوس

پیر 29 نومبر 2021 13:30

اسلام آباد (اُردو پوائنٹ اخبارتازہ ترین - این این آئی۔ 29 نومبر2021ء) سابق صدر آصف علی زرداری نے سینئر صحافی ایم ضیاالدین کے انتقال پر اظہار افسوس کیا ہے ۔ اپنے بیان میں سابق صدر آصف علی زر داری نے کہاکہ مرحوم ایم ضیاالدین صحافت کے باوقار اور معتبر نام تھے ۔

(جاری ہے)

آصف زرداری نے مرحوم ایم ضیاالدین کو صحافتی خدمات پر خراج عقیدت پیش کیا ۔ انہوںنے کہاکہ ایم ضیاء الدین جمہوریت پسند صحافی تھے انہوں نے قلم کے ذریعے جمہوریت کی خدمت کی ۔ انہوںنے کہاکہ صحافی ایم ضیاالدین کی صحافت کیلئے خدمات ناقابل فراموش ہیں، آصف زرداری نے مرحوم ایم ضیاء الدین کی مغفرت اور بلند درجات کیلئے دعا کی ۔آصف زرداری نے مرحوم ضیا الدین کے خاندان سے اظہار تعزیت کیا ۔