سجل علی کے مداحوں کی احد رضامیر پر تنقید

احد کی فیملی بہت انا پرست ہے، یہ سجل جیسے ہیرے کی حقدار نہیں تھی، یہ اداکارہ کو سپورٹ نہیں کرتے، سوشل میڈیا صارفین

ہفتہ 4 دسمبر 2021 12:41

سجل علی کے مداحوں کی احد رضامیر پر تنقید

کراچی (اُردو پوائنٹ اخبارتازہ ترین - این این آئی۔ 04 دسمبر2021ء) معروف پاکستانی اداکارہ سجل علی کے مداحوں نے ان کے شوہر، اداکار احد رضا میر اور ان کی فیملی پر تنقید کی ہے۔احد رضا میر کی اپنی فیملی کے ساتھ لندن میں لی گئی کچھ تصاویر سوشل میڈیا پر وائرل ہوگئی ہیں۔وائرل ہونے والی ان تصاویر میں احد رضامیر کو اپنے والدین، بھائی اور ایک دوست کے ہمراہ دیکھا جاسکتاہے۔

ان تصاویر پر سوشل میڈیا صارفین کی جانب سے شدید تنقید کی جارہی ہے۔ایک صارف نے لکھا کہ’یہ فیملی سجل جیسے ہیرے کی حقدار نہیں تھی‘۔صارف نے مزید لکھا کہ’ بہت انا پرست فیملی ہے، یہ لوگ سجل کی پوسٹس کو لائیک تک نہیں کرتے‘۔ایک اور صارف نے لکھا کہ’یہ عجیب بات ہے کہ ان میں سے کسی نے بھی سجل کو ان کی فلم کیلئے سپورٹ نہیں کیا‘۔

(جاری ہے)

جبکہ ایک صارف نے لکھا کہ’احد بہت خوش قسمت تھے کہ انہیں سجل ملی لیکن انہوں نے قدر نہیں کی، جیسے نظر آتے ہیں ویسے ہیں نہیں‘۔

یہاں تک کہ ایک صارف نے تو سجل کی حمایت میں ایک مختصر نوٹ لکھ دیا کہ’سجل اور احد کے درمیان کچھ تو گڑبڑچل رہی ہے‘۔صارف نے مزید لکھا کہ کہ’ اسے یہ دیکھ کر بہت دکھ ہو رہا ہے کہ احد، سجل کے کسی پروجیکٹ کی حمایت نہیں کر رہے، لگتا ہے کہ سجل اب احد کے ساتھ کام نہیں کرنا چاہتی اور بڑے اور نامور پروڈکشن ہاؤسز کے پراجیکٹس حاصل کرنا چاہتی ہیں اور دوسری جانب احد کو اب کوئی اچھا پروجیکٹ نہیں مل رہا‘۔

صارف نے اپنی بات جاری رکھتے ہوئے لکھا کہ’سجل طویل عرصے سے انڈسٹری کی ایک کامیاب اداکارہ ہیں، احد اور سجل کی آن سکرین کیمسٹری بے شک بہت اچھی تھی لیکن احد کو سجل سے شہرت ملی ہے، لیکن اب وقت ہے کہ احد اپنے آپ کو دوسری نامور ساتھی اداکارائوں کے ساتھ کام کرکے اکیلے ثابت کریں‘۔آخر میں صارف نے لکھا کہ’اسے سجل کے لیے بہت برا محسوس ہورہا ہے‘۔