Live Updates

کوئی ان ہاؤس تبدیلی نہیں ہو رہی،عمران خان ہی وزیر اعظم رہیں گے،پرویزخٹک

قرضے لینے میں ہمارا کوئی قصور نہیں، سابق ادوار میں چوری شدہ قرضوں کی ادائیگی ہم کر رہے ہیں،وزیردفاع

اتوار 5 دسمبر 2021 18:40

کوئی ان ہاؤس تبدیلی نہیں ہو رہی،عمران خان ہی وزیر اعظم رہیں گے،پرویزخٹک
پشاور(اُردو پوائنٹ اخبارتازہ ترین - این این آئی۔ 05 دسمبر2021ء) وزیردفاع پرویزخٹک نے کہا ہے کہ کوئی ان ہاؤس تبدیلی نہیں ہو رہی،عمران خان ہی وزیر اعظم رہیں گے۔قرضے لینے میں ہمارا کوئی قصور نہیں، سابق ادوار میں چوری شدہ قرضوں کی ادائیگی ہم کر رہے ہیں۔

(جاری ہے)

پشاورمیں میڈیا سے گفتگو کرتے ہوئے پرویزخٹک نے کہا کہ میں نوشہرہ میں جلسے نہیں کرتا اور مجھے کوئی وہاں آنے سے نہیں روک سکتا، کوئی ان ہاؤس تبدیلی نہیں ہو رہی،عمران خان ہی وزیر اعظم رہیں گے، کورونا کے باعث طلب بڑھی ہے اور رسید میں کمی ائی ہے، طلب اور رسید میں فرق کے باعث دنیا بھر میں اشیاء خوردونوش کی قیمتیں بڑھی ہے، قرضے لینے میں ہمارا کوئی قصور نہیں،پرویزخٹک کاکہنا تھا کہ سابق ادوار میں چوری شدہ قرضوں کی ادائیگی ہم کر رہے ہیں، اگر جانچ پڑتال کیا جائے تو اس مشکل دور میں ہم نے صرف پانچ ارب ڈالرز کا قرضہ لیا ہے، رواں سال ملک کی برآمدات میں تین گناہ اضافہ ہوا ہے، ٹی ایل پی کے چند نوجوان کی جوش کی وجہ ایک پارٹی پر پابندی تو نہیں لگائی جا سکتی۔

Live کرونا کی نئی قسم اومیکرون کا پھیلاو سے متعلق تازہ ترین معلومات