مٹیاری پولیس کا مین پوری و گٹکا کی فیکٹری پر چھاپہ، بھاری مقدار میں منشیات برآمد کر لی، ایک ملزم کو گرفتار کر لیا گیا، ایس ایچ او معطل

جمعرات 16 دسمبر 2021 00:09

حیدرآباد(اُردو پوائنٹ اخبارتازہ ترین - این این آئی۔ 15 دسمبر2021ء) مٹیاری پولیس کا مین پوری و گٹکا کی فیکٹری پر چھاپہ، بھاری مقدار میں منشیات برآمد کر لی، ایک ملزم کو گرفتار کر لیا گیا، ایس ایچ او کو معطل کر دیا گیا۔

(جاری ہے)

ڈی آئی جی پولیس حیدرآباد رینج کی خصوصی ہدایت پر ایس ایس پی مٹیاری محمد کلیم نے تھانہ مٹیاری کی حدود میں مین پوڑی گٹکا مافیا کے خلاف کامیاب کاروائی کرتے ہوئے فیکٹری پر چھاپہ مارا، اس دوران تمباکو کے 12 بورے، مین پوڑی کا چورا 23 بورے، تیار مین پوڑی کی 1000 پڑیا، عادلی گٹکا کے 150 پیکٹ، مین پوڑی کا چورا بکھرا پڑا 2 من اور Z-21 گٹکا 230 پیکٹ برآمد کر لئے، کاروائی میں ایک ملزم نوید میمن کو گرفتارکر لیا گیا، ایس ایس پی ضلع مٹیاری نے ایس ایچ او انسپکٹر محبوب علی شاہ کو معطل بھی کردیا ہے، ترجمان کے مطابق دیگر پولیس افسران و اہلکاروں کے خلاف تحقیقات کی روشنی میں ملوث ہونے کی صورت میں محکمہ جاتی کارروائی کی جائے گی۔