"توں شاکر آپ سیانا ایں، ساڈے چہرے پڑھ حالات نہ پچھ"

اہم حکومتی بلوں کی منظوری کے بعد وزیر اطلاعات کی جانب سے اپوزیشن کے اراکین اسمبلی کی تصویر پر طنزیہ ٹوئٹ وائرل ہو گئی

محمد علی جمعہ 14 جنوری 2022 23:56

"توں شاکر آپ سیانا ایں، ساڈے چہرے پڑھ حالات نہ پچھ"

اسلام آباد(اردوپوائنٹ اخبارتازہ ترین۔ 14 جنوری 2022ء) وزیر اطلاعات کی جانب سے اپوزیشن کے اراکین اسمبلی کی تصویر پر طنزیہ ٹوئٹ وائرل ہو گئی۔ تفصیلات کے مطابق گزشتہ روز قومی اسمبلی کے اجلاس میں تحریک انصاف کی حکومت اپوزیشن کے تمام بلند و بانگ دعووں کے باوجود اپنے پیش کردہ تمام اہم بلوں کو منظور کروانے میں کامیاب رہی۔ اہم بلوں کی منظوری کے بعد جہاں تحریک انصاف کے دیگر رہنماوں نے اپوزیشن کو طنز و تنقید کا نشانہ بنانے سے گریز نہیں کیا، وہیں وزیر اطلاعات نے بھی جمعہ کے روز اپنی ایک ٹوئٹ میں اپوزیشن رہنماوں کی ایک تصویر ٹوئٹ کر کے طنزیہ انداز میں پیغام جاری کیا۔

توں شاکر آپ سیانا ایں۔۔ ساڈے چہرے پڑہ حالات نہ پچھ:) پارلیمان میں اپوزیشن کو ایک بار پھر شکست انشاللہ 2023 کے انتخابات میں یہ چہرے پارلیمان سے مکمل باہر ہوں گے نون لیگ کا اور زرداری گروپ کا 2023 کا انتخاب آخری انتخاب ثابت ہونا ہے pic.twitter.com/F0xOpEtMzM
— Ch Fawad Hussain (@fawadchaudhry) January 14, 2022

فواد چوہدری نے اپنی ٹوئٹ میں اپوزیشن رہنماوں کی قومی اسمبلی اجلاس کے دوران لی گئی تصویر پر معروف شاعر شاکر شجاع آبادی کا شعر تحریر کیا۔

(جاری ہے)

وزیر اطلاعات نے لکھا "توں شاکر آپ سیانا ایں۔۔ ساڈے چہرے پڑھ حالات نہ پچھ، پارلیمان میں اپوزیشن کو ایک بار پھر شکست۔ انشاللہ 2023 کے انتخابات میں یہ چہرے پارلیمان سے مکمل باہر ہوں گے نون لیگ کا اور زرداری گروپ کا 2023 کا انتخاب آخری انتخاب ثابت ہونا ہے"۔

یہاں واضح رہے کہ اپوزیشن کی جانب سے دعوے کیے گئے تھے کہ حکومت کو اسٹیٹ بینک ترمیمی بل اور فنانس ترمیمی بل باآسانی منظور نہیں کروانے دیں گے، پارلیمنٹ میں بھرپور مخالفت کی جائے گی۔ تاہم گزشتہ روز کے قومی اسمبلی اجلاس کے دوران حکومت 18 ووٹوں کی برتری سے اسٹیٹ بینک ترمیمی بل، فنانس ترمیمی بل اور دیگر پیش کردہ تمام اہم بلز منظور کروانے میں کامیاب رہی تھی۔