پام آئل کی درآمد رواں سال کم ترین سطح پر رہنے کا امکان ہے ،بھارتی ڈیلرز

جمعرات 26 مئی 2022 12:27

نئی دہلی (اُردو پوائنٹ اخبارتازہ ترین - اے پی پی۔ 26 مئی2022ء) بھارتی ڈیلرز نے کہا ہے کہ رواں سال پام آئل کی ملکی درآمدات سالانہ بنیاد پر 19 فیصدکمی سے 11 سال کی کم ترین سطح پر رہنے کا امکان ہے جس کی وجہ سویابین آئل کے نرخ کم ہونا ہے۔

(جاری ہے)

رائٹرز نے پانچ بڑے بھارتی ڈیلرز کے حوالے سے بتایا کہ انڈونیشیا کی جانب سے پام آئل کی برآمدات پر پابندیوں اور نئی دہلی کی سویا آئل کی ڈیوٹی فری درآمد کی اجازت سے سویا آئل کی درآمد ریکارڈ حد تک بڑھ سکتی ہے جس سے امریکی سویا آئل کے نرخوں میں بہتری آئے گی۔

انہوں نے کہا کہ بھارت دنیا بھر میں ویجیٹیبل آئل کا سب سے بڑا درآمد کنندہ ہے اور اس کی جانب سے پام آئل کی کم خریداری ملائیشین پام آئل کی قیمتوں پر منفی اثر ڈال سکتی اور سویا آئل کو ریکارڈ بلند ی تک لے جاسکتی ہے۔ان کا کہنا ہے کہ 31 اکتوبر کو ختم ہونے والے مارکیٹنگ سال 2021/22 میں بھارت کی پام آئل کی درآمدات6.7 ملین ٹن تک گر سکتی ہیں جو کہ 2010/11 کے بعد سب سے کم ترین سطح ہے۔