فیصل آباد ڈسٹرکٹ جو جٹسو ایسوسی ایشن کے انتخابات، سید نعیم بخاری چیئرمین، حیدر تنویرصدر،حماد علی جنرل سیکرٹری منتخب

جمعرات 26 مئی 2022 16:38

فیصل آباد (اُردو پوائنٹ اخبارتازہ ترین - اے پی پی۔ 26 مئی2022ء) فیصل آباد ڈسٹرکٹ جو جٹسو ایسوسی ایشن کے الیکشن کا انعقاد کینال روڈ پر کیاگیا جس کی صدارت نمائندہ پنجاب و صدر فیصل آباد ڈویژنل جو جٹسو ایسوسی ایشن ڈاکٹر حارث اشرف نے کی۔

(جاری ہے)

اس موقع پرڈسٹرکٹ کے عہدیداران کا چناؤ کیا گیااورچیئرمین سید نعیم بخاری،صدر حیدر تنویر،جنرل سیکرٹری حماد علی، فنانس سیکرٹری محمد کامران،سینئرنائب صدر محمد عاطف نومی ملک،نائب صدر محمد نعیم،جوائنٹ سیکرٹری ملک عرفان،لیگل ایڈوائزر عادل عظیم،ابیض افروز،ایگزیکٹو ممبر ریحانہ ملک،نمرہ،شائستہ،تحصیل سپورٹس آفیسر سٹی شبینہ حمیدکاچناؤ کیا گیا۔

ڈاکٹر حارث اشرف نے بتایا کہ فیصل آباد ڈسٹرکٹ جو جٹسو ایسوسی ایشن کا چناؤ چار سال کیلئے کیا گیا ہے اور وہ امید کرتے ہیں کہ جوجٹسو کے فروغ کیلئے تمام تر کوششیں بروئے کار لائی جائیں گی لہٰذا اس کھیل کے فروغ کیلئے نو منتخب عہدیداران اپناحصہ ضرور ڈالیں۔انہوں نے کہا کہ جوجٹسو کے کھلاڑیوں کیلئے مقابلوں کا انعقاد انتہائی ضروری ہے جس کیلئے سب کو مل کر کام کرنا ہوگا۔