شمالی وزیرستان ،یکیورٹی فورسز اور دہشتگردوں کے درمیان فائرنگ کا تبادلہ،دہشت گرد مارا گیا

ہفتہ 18 جون 2022 17:45

راولپنڈی (اُردو پوائنٹ اخبارتازہ ترین - این این آئی۔ 18 جون2022ء) شمالی وزیرستان کے علاقے میرانشاہ میں سیکیورٹی فورسز اور دہشت گردوں کے درمیان فائرنگ کے تبادلے میں ایک دہشت گرد مارا گیا، ہتھیار اور گولیاں برآمد کرلیں ، فائرنگ کے شدید تبادلے میں 32 سالہ نائیک زاہد احمد بہادری سے لڑتے ہوئے شہید ہوگئے ۔

(جاری ہے)

ہفتہ کو آئی ایس پی آر کے مطابق شمالی وزیرستان کے علاقے میران شاہ میں دہشت گردوں اور سکیورٹی اہلکاروں کے درمیان فائرنگ کا تبادلہ ہوا، شدید فائرنگ کے تبادلے کے دوران ایک دہشت گرد مارا گیا، بعد میں دہشت گرد کی شناخت ضیاء اللہ کے نام سے ہوئی، دہشت گرد سے اسلحہ اور گولیاں بھی برآمد کرلی گئیں، فائرنگ کے تبادلے کے دوران چارسدہ کے 32 سالہ نائیک زاہد احمد نے بہادری سے لڑتے ہوئے شہادت کو گلے لگا لیا۔