علی ظفر کا ملک کے سیاستدانوں کو دولت کا ایک حصہ عطیہ کرنے کا مشورہ

ملکی سیاستدان قوم کیلئے خود مثال قائم کریں، اپنی دولت میں سے 5 فیصد پاکستان کے لیے عطیہ کر دیں: گلوکار کا ٹوئٹ

محمد علی ہفتہ 25 جون 2022 23:19

لاہور (اُردو پوائنٹ اخبارتازہ ترین۔ 25 جون2022ء) علی ظفر کا ملک کے سیاستدانوں کو دولت کا ایک حصہ عطیہ کرنے کا مشورہ۔ تفصیلات کے مطابق ملک کے بحرانی معاشی حالات میں ملک کے معروف گلوکار علی ظفر نے ملک کے سیاستدانوں کو اہم مشورہ دیا ہے۔

My humble advice to political leaders. Donate 5 percent of your wealth to Pakistan to inspire the nation to come forward and do the same. Lead by example. #justathought
— Ali Zafar (@AliZafarsays) June 25, 2022

سماجی رابطوں کی ویب سائٹ پر اپنے پیغام میں علی ظفر نے کہا کہ میرا سیاستدانوں کو عاجزانہ مشورہ ہے وہ اپنی دولت میں سے 5 فیصد پاکستان کے لیے عطیہ کریں۔

گلوکار نے مزید کہا کہ سیاست دان خود آگے بڑھ کر مثال قائم کریں، ان کے ایسا کرنے سے قوم کو بھی اس کی ترغیب ملے گی۔ جبکہ دوسری جانب سابق وفاقی وزیر اسد عمر نے وزیر اعظم سے سوال کیا ہے کہ ایون فیلڈ اور حدیبیہ سے کتنے پیسے آپ قربان کرنے کے لیے تیار ہیں؟۔

(جاری ہے)

وفاقی حکومت کی جانب سے سپر ٹیکس نافذ کیے جانے پر ردعمل دیتے ہوئے اسد عمر نے کہا کہ ملک میں دیوالیہ پن شہباز شریف کی وجہ سے ہوا ہے۔

یہ لوگ اپنے آپ کو ریلیف دینے کے لیے ہر حد تک جانے کو تیار ہیں اور شہباز شریف کہتے ہیں کہ یہ سب ہم اپنے ضمیر کی آواز پر کر رہے ہیں۔ شہباز شریف بتائیں کون سے ضمیر کی یہ آواز ہے؟ انہوں نے کہا کہ شہباز شریف کہتے ہیں کہ اپنے آپ کو قربان کیا ہے، شہباز شریف بتائیں مقصود چپڑاسی تو قربان ہو گئے اب کون سی قربانی کی بات کر رہے ہیں؟ یہ کہتے ہیں کہ روکھی سوکھی کھانی پڑے گی تو شہباز شریف بتائیں یہاں تک تو آپ نے پہنچا دیا ہے، انہوں نے کہا کہ ڈاکٹر رضوان، مقصود چپڑاسی قربان ہو گئے اب پتہ نہیں اور کتنے لوگ قربان ہوں گے۔