کوئی کتاب نہیں لکھ رہا نہ ہی ایسا ارادہ ہے، جنرل اشفاق پرویز کیانی

کتاب لکھنے کی صورت میں کسی تناز ع کا شکار نہیں ہونا چاہتا ، سابق آرمی چیف کی گفتگو

منگل 29 نومبر 2022 18:03

راولپنڈی (اُردو پوائنٹ اخبارتازہ ترین - این این آئی۔ 29 نومبر2022ء) سابق آرمی حیف جنرل اشفاق پرویز کیانی نے کہاہے کہ وہ کوئی کتاب نہیں لکھ رہے اور نہ ہی ایسا ارادہ ہے ، کتاب لکھنے کی صورت میں کسی تناز ع کا شکار نہیں ہونا چاہتا ۔

(جاری ہے)

جی ایچ کیو میں نئے آرمی چیف جنرل سید عاصم منیر کو کمان سونپنے کی تقریب میں جب سابق آرمی چیف جنرل اشفاق پرویزکیانی سے صحافیوں کی بات چیت ہوئی تو ایک صحافی نے ان سے کہاکہ آپ کب کتاب لکھ رہے ہیں ، آپ نے ایک مرتبہ کہا تھا کہ اپنے فوجی کیریئر اور ملکی صورتحال پر کتاب لکھونگا جس پر اشفاق پرویز کیانی نے کہاکہ میرا کتاب لکھنے کا کوئی ارادہ نہیں اور نہ میں نے ایسی کوئی بات کی تھی کیونکہ کتاب لکھنے کی صورت میں ایک نیا تنازع شروع ہوسکتا ہے اور میں کسی تنازع کا شکار نہیں بننا چاہتا اسی لئے آپ لوگوں (میڈیا)سے دور رہتا ہوں۔

ایک اور سوال پر انہوںنے کہاکہ میری طبیعت ٹھیک ہے ، کچھ عرصہ پہلے مسئلہ ہوا تھا اب اللہ کا شکر ہے میں ٹھیک ہوں ۔