کرپشن الزامات،سابق ڈی جی حج کیخلاف انکوائری کا آغاز کردیا گیا

ساجد منظور اسدی کے خلاف کچھ شواہد بھی ملے ہیں،ان پر ادویات اور خوراک کے ٹھیکوں میں کرپشن الزام ہے،وفاقی وزیر مذہبی امور

اتوار 28 مئی 2023 22:15

اسلام آباد(اُردو پوائنٹ اخبارتازہ ترین - این این آئی۔ 28 مئی2023ء) سابق ڈائریکٹر جنرل حج ساجد منظوراسدی کے خلاف کرپشن الزامات میں انکوائری کا آغاز کردیا گیا۔وفاقی وزیر مذہبی امور طلحہ محمود نے کہاکہ سابق ڈی جی حج ساجد منظوراسدی کے خلاف شکایات موصول ہوئی ہیں۔انہوں نے کہاکہ ساجد منظور اسدی کے خلاف کچھ شواہد بھی ملے ہیں، ان پر ادویات اور خوراک کے ٹھیکوں میں کرپشن الزام ہے۔

(جاری ہے)

وفاقی وزیرنے کہاکہ حج جیسے فریضہ کے دوران کسی قسم کی کرپشن یا کوتاہی ناقابل برداشت ہے، انکوائری میں کرپشن ثابت ہوئی تو معاملہ ایف آئی اے کے سپرد کردوں گا۔طلحہ محمود نے کہا کہ فریضہ حج کے بعد حج سے متعلق آڈٹ کرائوں گا، کوئی بھی کرپشن میں ملوث پایا گیا تو معافی نہیں ملے گی۔انہوںنے کہاکہ معاونین حج نے حجاج کرام کی خدمت میں کوتاہی کی تو انہیں واپس بلا لیا جائے گا۔