پاکستان اور پاک فوج امت مسلمہ کی امیدوں کا مرکز ہی: چودھری شجاعت حسین

بدھ 31 مئی 2023 21:38

لاہور (اُردو پوائنٹ اخبارتازہ ترین - آن لائن۔ 31 مئی2023ء) پاکستان مسلم لیگ (ق) کے صدر چودھری شجاعت حسین نے کہا ہے کہ پاکستان میں کچھ لوگوں کی ضد اور انا ملک سے بھی بڑی ہوگئی ہے۔

(جاری ہے)

لاہور میں مختلف وفود سے ملاقات کے دوران چودھری شجاعت حسین نے کہا کہ جذبات، نادانی اور ذاتی دشمنی میں ملک دشمنی کی جا رہی ہے۔ انہوں نے کہا کہ پاک فوج محفوظ اور مضبوط پاکستان کی ضمانت ہے، فوج پر تنقید کرنے والے شام، عراق اور افغانستان کی حالت دیکھ لیں۔ شجاعت حسین نے مزید کہا کہ پاکستان اور پاک فوج امت مسلمہ کی امیدوں کا مرکز ہے۔ پاکستان، پاک فوج کو نقصان پہنچانا اسلام اور پوری امت کو کمزور کرنا ہے۔