ایران اور سعودی عرب خطے اور اسلامی دنیا کے دو بااثر ممالک ہیں، ابراہیم رئیسی

اسلامی دنیا کے مسائل حل کرنے کے لیے خطے کے ممالک میں تعاون اہم ہے،ایرانی صدر

منگل 5 ستمبر 2023 13:08

تہران(اُردو پوائنٹ اخبارتازہ ترین - این این آئی۔ 05 ستمبر2023ء) ایران کے صدر ابراہیم رئیسی نے کہا ہے کہ ایران اور سعودی عرب خطے اور عالم اسلام کے دو بااثر ممالک ہیں۔

(جاری ہے)

رئیسی نے مزید کہا کہ ایران سعودی تعاون اور خطے کے ممالک کے درمیان دوطرفہ، کثیر جہتی اور اسلامی دنیا کے مسائل کے میدان میں حکومتی اور عوامی سطح کے تعاون میں اضافہ کرے گا اور خطے کے ممالک کی حیثیت کو بلند کر دے گا۔غیرملکی خبررساں ادارے کے مطابق ابراہیم رئیسی نے بیان سعودی عرب میں ایرانی سفیر علی رضا عنایتی کو ریاض روانگی کے موقع پر ان سے ملاقات کیدوران دیا۔ یاد رہے مارچ میں سعودی عرب اور ایران نے سفارتی تعلقات بحال کرنے اور ایک دوسرے کے ہاں سفارتی مشن دوبارہ کھولنے پر اتفاق کیا تھا۔