ٰآئی سی سی کرکٹ ورلڈکپ کیلئے انگلینڈ نے 15 رکنی اسکواڈ کا اعلان کر دیا، جوز بٹلرقیادت کریں گے

اتوار 17 ستمبر 2023 20:20

ُلندن (اُردو پوائنٹ اخبارتازہ ترین - آن لائن۔ 17 ستمبر2023ء) رواں سال بھارت میں ہونے والے آئی سی سی کرکٹ ورلڈکپ کیلئے دفاعی چیمپئن انگلینڈ نے 15 رکنی اسکواڈ کا اعلان کر دیا۔انگلش کرکٹ بورڈ نے اپنے آفیشل سوشل میڈیا اکاؤنٹ پر بیان جاری کرتے ہوئے آئی سی سی ون ڈے ورلڈکپ کے لیے اسکواڈ کا اعلان کیا۔

(جاری ہے)

انگلش کرکٹ ٹیم کی قیادت جوز بٹلر کریں گے جبکہ دیگر کھلاڑیوں میں معین علی ، جونی بیئراسٹو، ہیری بروک اور سیم کٴْرن شامل ہیں۔

اس کے علاوہ لیام لیونگسٹن، ڈیوڈ ملان ،عادل رشید، جو روٹ ،بین اسٹوکس، کرس ووکس ، مارک ووڈ ، گس اٹکنسن، ریسی ٹوپلے اور ڈیوڈ ویلی بھی انگلینڈ کے ورلڈکپ اسکواڈ کا حصہ ہیں۔واضح رہے کہ آئی سی سی ون ڈے ورلڈکپ رواں سال اکتوبر میں بھارت میں کھیلا جائے گا، ایونٹ کا آغاز 5 اکتوبر سے دفاعی چیمپئن انگلینڈ اور فائنلسٹ نیوزی لینڈ کے درمیان احمد آباد میں ہوگا۔