سابق وزیرِ خارجہ خورشید قصوری کی بہو، آمنہ قصوری نے پیپلز پارٹی جوائن کرلی

پیر 18 ستمبر 2023 13:23

لاہور (اُردو پوائنٹ اخبارتازہ ترین - این این آئی۔ 18 ستمبر2023ء) سابق وزیرِ خارجہ خورشید محمد قصوری کی بہو آمنہ قصوری نے پاکستان پیپلز پارٹی میں شمولیت اختیار کر لی ہے۔

(جاری ہے)

پاکستان پیپلز پارٹی کے تصدیق شدہ انسٹاگرام پیج کی جانب سے شیئر کی گئی مختصر سی ویڈیو کے مطابق آمنہ قصوری نے پی پی صدر اور سابق صدرِ مملکت آصف علی زرداری سے بلاول ہائوس میں ملاقات کی اور پیپلز پارٹی میں شمولیت کا اعلان کیا۔ویڈیو میں آصف زرداری کو آمنہ وٹو کو پیپلز پارٹی کے رنگوں سے رنگا مفلر پہناتے ہوئے دیکھا جا سکتا ہے جبکہ اس موقع پر سابق وزیر اعظم سید یوسف رضا گیلانی بھی موجود ہیں۔واضح رہے کہ آمنہ قصوری سابق وزیرِ اعلی پنجاب منظور وٹو کی صاحبزادی اور سابق وزیرِ خارجہ خورشید قصوری کی بہو ہیں۔