جناح ہاوس حملہ کیس،عدالت نے 28 ملزمان کے اشتہار جاری کردیئے

جمعہ 22 ستمبر 2023 12:40

لاہور (اُردو پوائنٹ اخبارتازہ ترین - این این آئی۔ 22 ستمبر2023ء) سانحہ نو مئی کو جناح ہاس حملہ کیس میں اہم پیشرفت سامنے آگئی ، انسداد دہشت گردی عدالت نے 28 ملزمان کے اشتہار جاری کر دیئے ۔ انسداد دہشت گردی عدالت کی ایڈمن جج عبہر گل خان نے کیس پر سماعت کی ۔

(جاری ہے)

اس دوران تفتیشی افسران نے کہا کہ ملزمان جان بوجھ کر روپوش ہو چکے ہیں۔استدعا کی کہ عدالت ملزمان کے خلاف اشتہاری قرار دینے کی کاروائی کرے کیونکہ ان کے خلاف تھانہ سرور روڈ میں مقدمہ درج ہے۔عدالت نے ملزم اعجاز اسلم، مطیع اللہ، سدرہ گیلانی سمیت 28 ملزمان کے اشتہار جاری کرتے ہوئے سماعت 14 اکتوبر تک ملتوی کردی ۔