نئے چیئرمین بینظیر انکم سپورٹ پروگرام ڈاکٹر امجد ثاقب نے ابتدائی تعلیم کمالیہ اور جڑانوالہ سے حاصل کی

جمعہ 22 ستمبر 2023 23:01

فیصل آباد(اُردو پوائنٹ اخبارتازہ ترین - آن لائن۔ 22 ستمبر2023ء) نئے چیئرمین بینظیر انکم سپورٹ پروگرام ڈاکٹر امجد ثاقب نے ابتدائی تعلیم کمالیہ اور جڑانوالہ سے حاصل کی۔ان کے والد چوہدری سردار محمد مرحوم میونسپل کمیٹی جڑانوالہ کے چیف آفیسر رہے بعدازاں ترقی پا کر وہ چیف آفیسر ضلع کونسل فیصل آباد بھی تعینات رہے اور ریٹائرڈ ہونے کے بعد فیصل آباد میں سپیشل مجسٹریٹ آنریری کے عہدہ پر بھی خدمات انجام دیتے رہے۔

ڈاکٹر امجد ثاقب کے بڑے بھائی بھی ڈاکٹر تھے ۔

(جاری ہے)

ان کے بڑے ماموں ڈاکٹر رشید احمد مرحوم نے ابنارمل افراد کیلئے فاؤنڈیشن ہاوس لاہور میں قائم کیا جہاں جنرل ضیائ الحق نے اپنی بیٹی کے ہمراہ متعدد مرتبہ دروہ کیا ڈاکٹر امجد ثاقب کے دوسرے ماموں چودھری شبیر احمد بھی ضلع کونسل فیصل آباد کے چیف آفیسر رہ چکے ہیں۔ڈاکٹر امجد ثاقب بیورو کریٹ تھے ملازمت چھوڑ کر انھوں نے اخوت کے نام پر ادارہ قائم کیا جس نے پاکستان بھر میں بغیر سود کے لاکھوں خواتین اور مرد حضرات کو قرضے دینے کے علاوہ ملک بھر میں مخیر حضرات کے تعاون سے کالج اور یونیورسٹی قائم کی۔

ڈاکٹر امجد ساقب کو ان کی خدمات کے پیش نظر حکومت پاکستان نے ایوارڈ دیے جبکہ حال ہی میں انھیں نوبل انعام کے لیے بھی منتخب کیا گیا ہے۔