صوبے کے دور افتاد و سابقہ قبائلی اضلاع میں آوٹ سورس ہسپتالوں بارے سپروائزری کمیٹی کا جائزہ اجلاس

ظ* ہسپتالوں کو دئیے جانے وا لے فنڈز اور معاوضوں کی ادائیگی پر تبادلہ خیال

جمعہ 22 ستمبر 2023 19:50

% پشاور(اُردو پوائنٹ اخبارتازہ ترین - آن لائن۔ 22 ستمبر2023ء) نگران وزیراعلی خیبر پختونخواکے مشیر برائے صحت ڈاکٹر ریاض انور کی زیرصدارت صوبے کے دور افتاد و سابقہ قبائلی اضلاع میں آوٹ سورس ہسپتالوں بارے سپروائزری کمیٹی کا جائزہ منعقد ہوا۔اجلاس میں نگران وزرا رسول احمد بنگش، مسعود احمد شاہ، عامر درانی، سیکرٹری قانون شگفتہ ملک، سیکرٹری ہیلتھ محمود اسلم، ایڈیشنل سیکرٹری ایکسائز واجد علی، ایم ڈی ہیلتھ فاونڈیشن ڈاکٹر عدنان تاج، ڈی جی ہیلتھ ڈاکٹر شوکت علی، چیف ایچ ایس آر یو ڈاکٹر شاہین آفریدی و دیگر متعلقہ اہلکاروں نے شرکت کی۔

اجلاس کو آوٹ سورس ہسپتالوں میں دی جانی والی سہولیات، نجی کمپنیوں کیساتھ کئے گئے کنٹریکٹ، فنڈنگ کی صورتحال و دیگر اہم امور پر ایم ڈی ہیلتھ فاونڈیشن ڈاکٹر عدنان تاج نے بریفنگ دی۔

(جاری ہے)

اجلاس میں کابینہ میں لئے گئے فیصلوں کی توثیق اور ان پر عمل پیرا ہونے کیلئے طریقہ کار وضع کرنے پر بھی اظہار خیال ہوا۔ان ہسپتالوں کو دئیے جانے وا لے فنڈز اور معاوضوں کی ادائیگی پر بھی تبادلہ خیال کیا گیا۔

نگران مشیر صحت ڈاکٹر ریاض انور نے اجلاس میں شرکت کرنے والے تمام سٹیک ہولڈرز کی رائے جانی اور ایم ڈی ہیلتھ فاونڈیشن کو اگلے اجلاس میں تمام شرکا کیلئے کنٹریکٹ ایوارڈ سے متعلق بریفنگ پیش کر نے کی ہدایت کرتے ہوئے کہا کہ ان ہسپتالوں سے متعلق ہونے والی انکوائری اور نیب کو مطلوب معلومات بھی کمیٹی کے سامنے رکھی