سعودی عرب کے قومی دن کے موقعے پر آتش بازی، مملکت کا آسماں بھی جگمگا اٹھا

اتوار 24 ستمبر 2023 13:30

ریاض(اُردو پوائنٹ اخبارتازہ ترین - این این آئی۔ 24 ستمبر2023ء) سعودی عرب کے 93 ویں قومی دن کے موقع پر مملکت کے کئی شہروں میں آتش بازی کے مظاہرے ہوئے جن سے مملکت کا آسماں بھی روشنیوں سے جگ مگا اٹھا۔غیرملکی خبررساں ادارے کے مطابق مملکت کے 15 شہروں کے آسمان مختلف رنگوں اور سائز کے آتش بازی سے رنگین ہو گئے۔

(جاری ہے)

آتش بازی کا اہتمام جنرل انٹرٹینمنٹ اتھارٹی کی جانب سے 93 ویں سعودی قومی دن کے موقع پر ہم خواب دیکھتے ہیں اور حاصل کرتے ہیں کے سلوگن کے تحت کیا گیا تھا۔

آتش بازی کے لیے رات نو بجے کا وقت مقرر تھا۔آتش بازی کے مظاہر ریاض میں ریاض سٹی بلیوارڈ، جدہ میں پرومینیڈ، دمام میں کنگ عبداللہ پارک، شمالی خبر کورنیشے، الاحسا میں کنگ عبداللہ ماحولیاتی پارک اور بریدہ میں کنگ عبداللہ نیشنل پارک میں دیکھے گئے۔