اداکاررنبیر کپور کا بیٹی کیلئے محبت کا انوکھا انداز

پیر 25 ستمبر 2023 20:17

ممبئی (اُردو پوائنٹ اخبارتازہ ترین - آن لائن۔ 25 ستمبر2023ء) بالی ووڈ سپر اسٹار رنبیر کپور نے اپنی بیٹی راہا سے محبت کے اظہا رکیلئے انوکھا انداز اپنالیا، بیٹی کے نام کی کیپ بنوالی ۔ بھارتی میڈیا کے مطابق گزشتہ روز بیٹیوں کے عالمی دن کے موقع پر رنبیر کپور نے اپنی بیٹی راہا سے اپنی محبت کا اظہار کرنے کے لیے ایک خاص طریقہ اپنایا۔

(جاری ہے)

ممبئی سے رنبیر کپور کی چند تصاویر وائرل ہوئیں جن میں اداکار کو جینز اور شرٹ میں دیکھا گیا جبکہ انہوں نے سر پر ایک کسٹمائز کیپ بھی پہنی ہوئی تھی جس پر ان کی ننھی پری راہا کا نام درج تھا۔

رنبیر کپور نے اپنی کیپ پر گلابی رنگ سے بیٹی کا نام لکھوایا، مداحوں نے اداکار کی تصاویر پر تبصرے کرتے ہوئے اس محبت کو ڈیڈی گولز کا نام دیا۔ واضح رہے کہ رنبیر کپور نے 14 اپریل 2022 کو عالیہ بھٹ کے ساتھ شادی کی تھی اور گزشتہ سال 6 نومبر کو جوڑے کے ہاں بیٹی کی پیدائش ہوئی تھی جس کا نام راہا رکھا۔