چین، دنیا بھر میں چینی قو می دن کو منا نے کی تقر یبات کا انعقاد

تقریبات کے دوران شر کاء کی جا نب سے چین کی عظیم کا میا بیوں کی تعر یف

پیر 2 اکتوبر 2023 22:01

بیجنگ (اُردو پوائنٹ اخبارتازہ ترین - آن لائن۔ 02 اکتوبر2023ء) بہت سے ممالک میں چینی سفارت خانوں اور قونصل خانوں نے عوامی جمہوریہ چین کے قیام کی 74ویں سالگرہ منانے کے لئے تقاریب کا انعقاد کیا. اجلاس میں شریک تمام شعبہ ہائے زندگی سے تعلق رکھنے والی شخصیات نے چین کی عظیم ترقیاتی کامیابیوں کی تعریف کی اور چین کے ساتھ تعاون اور مشترکہ ترقی کو مزید فروغ دینے کی امید ظاہر کی۔

پیر کے روز چینی میڈ یا کے مطا بق کینیا میں چینی سفارت خانے میں منعقد ہونے والے قومی دن کی تقریب میں کینیا میں چینی سفیر چو پنگ جیان نے اپنی تقریر میں کہا کہ چین کینیا کے ساتھ سفارتی تعلقات کے قیام کی 60 ویں سالگرہ سے فائدہ اٹھا کر "بیلٹ اینڈ روڈ" کی اعلیٰ معیار کی مشترکہ تعمیر کو فروغ دینے، متعدد اہم اقدامات پر عمل درآمد اور دوطرفہ تعلقات کو ایک نئی سطح پر لے جانے کے لیے کینیا کے ساتھ مل کر کام کرنے کا خواہاں ہے۔

(جاری ہے)

کینیا میں زندگی کے تمام شعبوں سے تعلق رکھنے والے افراد نے تقریب میں شرکت کی اور چین کو اس کی غیر معمولی ترقیاتی کامیابیوں پر مبارکباد دی۔ کینیا میں اقوام متحدہ کے ریزیڈنٹ کوآرڈینیٹر جیکسن کا کہنا تھا کہ گزشتہ چند دہائیوں میں چین کی ترقی کا سفر کافی کامیاب رہا ہے اور میں چین کے قومی دن کے موقع پر چین کے لئے نیک خواہشات کا اظہار کرتا ہوں۔