رضوان مناسب امیدوار تھے، شاہین کی کپتانی کیلئے لابنگ نہیں کی، شاہد آفریدی

جمعہ 17 نومبر 2023 20:53

لاہور(اُردو پوائنٹ اخبارتازہ ترین - آن لائن۔ 17 نومبر2023ء) قومی ٹیم کے سابق کپتان شاہد آفریدی نے داماد شاہین آفریدی کو کپتان بنوانے کیلئے لابنگ کی باتوں کو بے بنیاد قرار دے دیا۔ ایک انٹر ویو میں شاہد آفریدی نے کہا حلفیہ کہتا ہوں کہ کبھی شاہین آیدی کو کپتان بنانے کیلئے سپورٹ نہیں کی ہے، میرے خیال میں ٹی ٹوئنٹی کیلئے محمد رضوان مناسب امیدوار تھے۔

(جاری ہے)

شاہد آفریدی نے سوشل میڈیا پر چلنے والی اس مہم کو بے بنیاد قرار دیا ہے کہ انہوں نے اپنے داماد شاہین شاہ ا?فریدی کو پاکستانی ٹی ٹوئنٹی کا کپتان بنانے کیلئے لابنگ کی تھی۔ انہوں نے کہا کہ میرا اور شاہین کا جو رشتہ ہے ا س سے لوگ سمجھیں گے کہ شاہد سپورٹ کررہا ہے لیکن میں حلفیہ کہتا ہوں کہ میں ان چیزوں میں نہیں پڑتا نہ مجھے اس کا شوق ہے، اگر میرا کو ئی چکر ہوتا تو میں چیئرمین کے خلاف بات نہ کرتا۔ ان کا کہنا تھا کہ شاہین کو کپتان بنائے جانے کا فیصلہ ذکا اشرف اور محمد حفیظ نے کیا ہوگا۔