ترکیہ کا کارگو بحری جہاز بحیرہ اسود میں لاپتا ،تلاش شروع

ٹیمیں بھی تیار ہیں جیسے ہی موسمی حالات مناسب ہوتے ہیں ٹیموں کو روانہ کردیا جائے گا ، حکام

پیر 20 نومبر 2023 17:45

ترکیہ کا کارگو بحری جہاز بحیرہ اسود میں لاپتا ،تلاش شروع

انقرہ(اُردو پوائنٹ اخبارتازہ ترین - آن لائن۔ 20 نومبر2023ء) ترکیہ کا بحری جہاز بحیرہ اسود میں لاپتا ہوگیا۔ترک حکام کے مطابق کارگو جہاز کا بحیرہ اسود میں آنے والے طوفان میں پھنسنے کے بعد رابطہ منقطع ہو گیا تھا۔ لاپتا ہونے والے جہاز پر کپتان سمیت عملے کے 12 افراد سوار تھے۔

(جاری ہے)

حکام کا مزید کہنا تھا کہ اتوار کی صبح جہاز کے کپتان نے بتایا تھا کہ جہاز ترکیہ کے شمال مغربی صوبے زونگلوداک کی حدود میں ایرگلی کے پانیوں سے گزر رہا ہے۔

سمندری طوفان کے باعث لاپتا جہاز کی تلاش کیلئے ریسکیو کشتیاں روانہ کرنے میں مشکلات کا سامنا ہے۔ تیز ہوائوں کے باعث ہیلی کاپٹروں کے ذریعے بھی تلاش شروع نہیں کی جاسکی۔حکام کے مطابق تمام تیاریاں مکمل ہیں اور موسم بہتر ہوتے ہی لاپتا جہاز کی تلاش کے لیے ریسکیو کام شروع کرنے کیلئے تمام تیاریاں مکمل ہیں، ٹیمیں بھی تیار ہیں جیسے ہی موسمی حالات مناسب ہوتے ہیں ٹیموں کو روانہ کردیا جائے گا۔