تھیٹر پلے دی وائٹ پلگ آرٹس کونسل آف پاکستان کراچی میں پیش کردیا گیا

جمعرات 23 نومبر 2023 11:20

کراچی (اُردو پوائنٹ اخبارتازہ ترین - این این آئی۔ 23 نومبر2023ء) وبائی مرض کے پھوٹنے کے بعد کے حالات پر مبنی تھیٹر پلے دی وائٹ پلگ آرٹس کونسل آف پاکستان کراچی میں پیش کردیا گیا،اردو زبان میں پیش کیا گیا تھیٹر پلے دی وائٹ پلگ، ماضی کے معروف رائٹر کارل چپک کے تھیٹر سے ماخوذ ہے۔

(جاری ہے)

مہر جعفری کی ہدایت کاری میں بنائے گئے تھیٹر کی کہانی ایک وبائی مرض کے پھوٹنے کے بعد کے حالات پر مبنی ہے۔معروف اداکارہ ثمینہ احمد بھی تھیٹر دیکھنے آئیں، انہوں نے کہا کہ آرٹسٹ کیلئے ضروری ہے کہ وہ مسائل پر مبنی کردار ادا کرے ۔فنکاروں کی جاندار اداکارہ نے شائقین سے خوب داد وصول کی۔تھیٹر کی کہانی میں طبی ماہرین کی لالچ،انسانی ہمدردی اور مریضوں کے ساتھ رویے کرداروں میں ڈھالا گیا ہے۔