چین نے 6 ممالک کے لئے ویزا کی شرط ختم کردی

فرانس، جرمنی، اٹلی، سپین، نیدرلینڈز ، ملائیشیا کے شہریوں کو ویزے کے بغیر داخلے کی اجازت

ہفتہ 25 نومبر 2023 16:25

چین نے 6 ممالک کے لئے ویزا کی شرط ختم کردی

بیجنگ(اُردو پوائنٹ اخبارتازہ ترین - این این آئی۔ 25 نومبر2023ء) چین کی جانب سے ایک اہم اقدام کے طور پر 6 ممالک کے شہریوں کو ویزا فری انٹری دینے کا فیصلہ کرلیا گیا ہے، مملکت کی جانب سے یہ فیصلہ سیاحت کو فروغ دینے کے لیے کیا گیا ہے۔بین الاقوامی خبر رساں ادارے کی رپورٹ کے مطابق چین نے فرانس، جرمنی، اٹلی، سپین، نیدرلینڈز اور ملائیشیا کے شہریوں کو ملک میں ویزے کے بغیر داخلے کی اجازت دیدی ۔

(جاری ہے)

چین کی جانب سے عارضی طور پر ان ممالک کے شہریوں کو ویزا فری انٹری دینے کا فیصلہ ملک میں سیاحت کو فروغ دینے کے لیے کیا گیا ہے۔چین کی وزارتِ خارجہ کے ترجمان کا اپنے ایک بیان میں کہنا تھا کہ رواں سال یکم دسمبر سے اگلے سال 30 نومبر تک جرمنی، فرانس، اٹلی، نیدرلینڈز، سپین اور ملائیشیا کے شہریوں کو ویزا فری انٹری کی سہولت دی گئی ہے۔ان ممالک کے شہری بغیر ویزا کے زیادہ سے زیادہ 15 روز تک مملکت میں قیام کر سکیں گے اور کاروباری سرگرمیوں، سیاحت اور اپنے رشتے داروں سے ملاقات کے لیے چین میں بغیر ویزا کے داخل ہوسکیں گے۔