ٹرمپ نیتن یاہو سے مایوس ہیں، ذرائع کا انکشاف

ٹرمپ اب بھی ایران کے خلاف فوجی کارروائی کرنے پراکسانے کی کوشش پر ناراض ہیں،رپورٹ

جمعہ 9 مئی 2025 13:33

ٹرمپ نیتن یاہو سے مایوس ہیں، ذرائع کا انکشاف

واشنگٹن(اُردو پوائنٹ اخبارتازہ ترین - این این آئی۔ 09 مئی2025ء)اسرائیل کے لیے امریکی حمایت کے باوجود امریکی صدر ڈونلڈ ٹرمپ اور اسرائیلی وزیر اعظم نتن یاہو کے درمیان کچھ اختلافات ظاہر ہونا شروع ہو گئے ۔

(جاری ہے)

غیرملکی خبررساں ادارے کے مطابق امریکی صدر کے قریبی دو امریکی ذرائع نے انکشاف کیا کہ ٹرمپ نتن یاہو سے مایوس ہیں اور انہوں نے مشرق وسطی میں ان کے بغیر اپنی کارروائیوں کو آگے بڑھانے کا فیصلہ کرلیا ہے۔

رپورٹ میں کہا گیا ہے کہ ٹرمپ اب بھی اسرائیلی وزیر اعظم اور ان کے گروپ کی جانب سے معزول قومی سلامتی کے مشیر مائیکل والٹز کو ایران کے خلاف فوجی کارروائی کرنے پر اکسانے کی کوشش پر ناراض ہیں۔ واضح رہے کہ نیتن یاہو نے پہلے ان دعووں کی تردید کی تھی۔ ان کے دفتر نے گزشتہ ہفتے وضاحت کی تھی کہ انہوں نے والٹز سے صرف ایک بار بات کی تھی۔