امریکہ کا سعودی عرب سے ایٹمی تعاون اسرائیل کے ساتھ تعلق سے مشروط نہیں،برطانوی میڈیا

جمعہ 9 مئی 2025 13:33

لندن(اُردو پوائنٹ اخبارتازہ ترین - این این آئی۔ 09 مئی2025ء)دو ذرائع نے واضح کیا ہے کہ واشنگٹن نے سعودی عرب اور امریکہ کے درمیان سویلین ایٹمی تعاون کے مذاکرات میں پیش رفت کے لیے ریاض پر تل ابیب کے ساتھ سفارتی تعلقات قائم کرنے کی شرط ختم کر دی ۔

(جاری ہے)

امریکہ کی جانب سے تعلقات معمول پر لانے کی شرط سے دستبرداری کو "بڑا سمجھوتہ" قرار دیا جا رہا ہے۔ غیرملکی خبررساں ادارے کے مطابق یہ پیش رفت امریکی صدر ڈونلڈ ٹرمپ کے آئندہ ہفتے سعودی عرب کے دورے سے قبل ہوئی ۔دونوں ممالک کے درمیان شہری ایٹمی تعاون ایک وسیع تر سکیورٹی معاہدے کا حصہ ہے جسے واشنگٹن نے سعودی عرب اور اسرائیل کے درمیان تعلقات کو معمول پر لانے سے مشروط کیا تھا۔