ٹوئٹر عالمی فضلے کا گٹر،میئرپیرس این ہداگلو کا اکاونٹ ختم کرنے کا اعلان

جمعہ 1 دسمبر 2023 17:30

فرانس(اُردو پوائنٹ اخبارتازہ ترین - این این آئی۔ 01 دسمبر2023ء) پیرس کی میئر این ہداگلو نے ایلون مسک کے ملکیتی مائیکرو بلاگنگ پلیٹ فارم ایکسسابق ٹوئٹرکا سوشل بائیکاٹ کا اعلان کرتے ہوئے کہاہے عالمی فضلے کا گٹر ہے جو غلط استعمال اور گمراہ کن معلومات پھیلا کر ہماری جمہوریتوں کو تباہ کر رہا ہے۔ایلون مسک نے 2022 میں ٹویٹر پلیٹ فارم خریدنے سے پہلے اس کے ہزاروں ملازمین کو فارغ کر دیا تھا۔

ان میں کنٹینٹ ماڈریٹرز بھی شامل تھے۔ انہوں نے اپنے برانڈ کو X میں تبدیل کر دیا۔غیرملکی خبررساں ادارے کے مطابق پلیٹ فارم نے کئی بڑے مشتہرین کو کھو دیا اور وائٹ ہاوس سمیت یہود دشمنی کو روکنے کے لیے خاطر خواہ اقدامات نہ کرنے پر شدید تنقید کا نشانہ بنے۔فرانسیسی خاتون سیاستدان این ہداگلو نے انگریزی اور فرانسیسی میں لکھی گئی طویل پوسٹ میں کہا کہ یہ پلیٹ فارم اور اس کا مالک جان بوجھ کر تناو اور تنازعات کو ہوا دے رہے ہیں۔

(جاری ہے)

یہ پلیٹ فارم ہیرا پھیری، غلط معلومات، یہود دشمنی اور سائنسدانوں، موسمیاتی ماہرین، خواتین اور لبرل کے خلاف استعمال ہو رہا ہے۔سنہ 2022 میں صدارتی انتخابات میں 1.7 فیصد ووٹوں کے ساتھ ہارنے والی سوشلسٹ سیاست دان این ہداگلو نے کہا کہیہ پلیٹ فارم عالمی فضلے کا گٹر بن گیا ہے۔ انہوں نے مزید کہا کہ میں اس شیطانی منصوبے کی حمایت کرنے سے انکار کرتی ہوں۔

حال ہی میں این ہداگلو کو 2024 کے اولمپک گیمز کے لیے مبینہ طور پر ایک سرفنگ سائٹ دیکھنے کے لیے فرانسیسی جزیرے تاہیٹی کا دورہ کرنے پر تنقید کا نشانہ بنایا گیا تھا، لیکن مخالفین کا کہنا تھا کہ یہ ان کے دائرہ اختیار میں نہیں۔ایکس صارفین اور اپوزیشن کے سیاست دانوں نے سفر کے دوران ہیش ٹیگ #TahitiGate کے ساتھ ان پر تنقید کی جسے جزوی طور پر ٹیکس دہندگان کی طرف سے فنڈ کیا گیا تھا۔

Facebook Twitter Google + Share on Whatsapp

ٹوئٹر عالمی فضلے کا گٹر،میئرپیرس این ہداگلو کا اکاونٹ ختم کرنے کا اعلان

متعلقہ عنوان :

مزید بین الاقوامی خبریں