پشاور میں ٹریفک پولیس کی کارروائی ،زائد کرایہ لینے پر 380 ٹرانسپورٹروں کا چالان

جمعہ 1 دسمبر 2023 18:21

پشاور (اُردو پوائنٹ اخبارتازہ ترین - اے پی پی۔ 01 دسمبر2023ء) ٹریفک پولیس نے حکومت اور آر ٹی اے کی جانب سے مقرر کردہ کرایہ نامہ پر عملدرآمد نہ کرنیوالوں کیخلاف کارروائی کرتے ہوئے زیادہ کرایہ وصول کرنے پر 380 ٹرانسپورٹروں کا چالان کیا۔

(جاری ہے)

تفصیلات کے مطابق ا یس پی ہیڈ کوارٹرز شازیہ شاہد کی نگرانی میں شہر کے مختلف سیکٹروں میں کی جانیوالی ناکہ بندیوں سے گزرنیوالی گاڑیوں میں سفر کرنے والے مسافروں سے کرایوں بارے آگاہی حاصل کی گئی جس میں زیادہ کرایہ وصول کرنے پر 380 ٹرانسپورٹروں کا چالان کیا گیا۔

کسی کو خلاف قانون کام کرنے کی اجازت نہیں دی جائیگی جبکہ حکومت اور ریجنل ٹرانسپورٹ اتھارٹی کی جانب سے مقرر کردہ کرایہ نامہ پر عملدرآمد نہ کرنے والوں کے خلاف سخت قانونی کارروائی عمل میں لائی جائیگی،ایس پی ہیڈ کوارٹرز شازیہ شاہد نے کہا کہ مسافروں سے زائد کرایہ وصول کرنے والے کسی قسم کے رعایت کے مستحق نہیں انہوں نے کہا کہ ٹرانسپورٹرز اپنا قبلہ درست کرے بصورت دیگر ان کے خلاف سخت سے سخت کارروائی عمل میں لائی جائیگی۔