جیواورجینے دو کی پالیسی کی قائل ہوں: اداکارہ نیلم منیر

جمعرات 7 دسمبر 2023 22:35

لاہور (اُردو پوائنٹ اخبارتازہ ترین - آن لائن۔ 07 دسمبر2023ء) معروف اداکارہ نیلم منیر نے کہا ہے کہ میں سوشل میڈیا نہیں صرف اپنے کام پر توجہ دیتی ہوں۔ اپنے معاملات میں کسی کی مداخلت پسند نہیں کرتی صرف اپنے کام سے کام رکھتی ہوں۔

(جاری ہے)

اپنے ایک انٹرویو میں نیلم منیر نے کہا کہ میری پوری توجہ صرف اپنا کیریئر بنانے میں ہے کون میرے بارے میں کیا سوچتا ہے اور کیا رائے دیتا ہے اس پرمیں نے کبھی نہیں سوچا۔

نیلم منیر نے کہا کہ جیو اور جینے دو کی پالیسی کی قائل ہوں ،شوبز میں آنے کے بعد زندگی میں بہت کچھ بدل گیا ہے ۔ ایک سوال پر نیلم منیر نے کہا کہ روٹین کے کردار سے ہٹ کر ایسے کردار پسند ہیں جن میں اپنی صلاحیتیں دکھانے کے مواقع ہوں۔ آج کل کی دوسری اداکارائوں کی نسبت میں سوشل میڈیا پر نہیں بلکہ اپنے کام پر زیادہ توجہ دیتی ہوں۔