ٹام کروزر کی فلم 21 مئی کو ریلیز کی جائے گی

خاتون مداح نے ٹام کروز کے جوتے پر پائوں رکھ دیا، اداکار کا حیران کن ردعمل

جمعہ 9 مئی 2025 12:35

ٹام کروزر کی فلم 21 مئی کو ریلیز کی جائے گی

واشنگٹن (اُردو پوائنٹ اخبارتازہ ترین - این این آئی۔ 09 مئی2025ء) ہالی ووڈ کے مشہور اداکار ٹام کروز کے جوتے پر ایک خاتون پرستار نے پائوں رکھ دیا، جس پر اداکار نے بہت ہی حیران کن ردعمل دیا۔ ٹام کروز ان دنوں اپنی آنے والی فلم مشن امپوسیبل: دی فائنل ریکوننگ کی تشہیر میں مصروف ہیں، حال ہی میں وہ جنوبی کوریا کے دورے پر پہنچے، جہاں سیول میں ریڈ کارپٹ ایونٹ کے دوران ایک دلچسپ واقعہ پیش آیا جس نے سوشل میڈیا پر خوب توجہ حاصل کی۔

جب ایک خاتون پرستار نے جذبات میں آ کر ٹام کروز سے ملاقات کی، تو غیر ارادی طور پر اس کا پاں ٹام کے جوتے پر آ گیا۔ جیسے ہی خاتون نے معذرت کی، اس پر ٹام کروز نے مسکراتے ہوئے کہا کہ آپ کو معذرت کرنے کی کوئی ضرورت نہیں!یہ میرے لیے خوشی کی بات ہے کہ آپ نے میرے جوتے پر پاں رکھا۔

(جاری ہے)

ہالی ووڈ اداکار کا یہ شائستہ اور عاجزانہ جواب پرستار کو حیران کر گیا، جو ہنستے ہوئے بار بار ان کا شکریہ ادا کرتی رہی۔

بعد ازاں ٹام کروز نے اپنی مداح کو آٹوگراف بھی دیا اور اسے اپنے ساتھ سیلفی لینے کا موقع بھی دیا۔یاد رہے کہ ٹام کروزر کی فلم 21 مئی کو ریلیز کی جائے گی۔فلم کی ہدایتکاری کرسٹوفر مک کواری نے کی ہے، اور ٹام کروز کے ساتھ اس میں ہیلی ایٹویل، وِنگ ریمز، سائمن پیگ، ونیسا کربی سمیت کئی معروف فنکار شامل ہیں۔