8 تا 16 مئی یہاں نہیں تھا، زندہ رہا تو الیکشن لڑوں گا،شیخ رشید احمد

اداروں کا ہمیشہ احترام کیا ہے، 9 مئی کے مقدمات سے میرا کوئی تعلق نہیں، میڈیا سے گفتگو

ہفتہ 9 دسمبر 2023 14:42

8 تا 16 مئی یہاں نہیں تھا، زندہ رہا تو الیکشن لڑوں گا،شیخ رشید احمد

راولپنڈی (اُردو پوائنٹ اخبارتازہ ترین - این این آئی۔ 09 دسمبر2023ء) عوامی مسلم لیگ کے سربراہ شیخ رشید نے کہا ہے کہ 8 مئی سے 16 مئی تک یہاں نہیں تھا، اللّٰہ بہتر کرے گا، زندہ رہا تو الیکشن ضرور لڑوں گا۔انسدادِ دہشتِ گردی کی عدالت کے باہر میڈیا سے گفتگو کرتے ہوئے شیخ رشید احمد نے کہا کہ اداروں کا ہمیشہ احترام کیا ہے، 9 مئی کے مقدمات سے میرا کوئی تعلق نہیں۔

(جاری ہے)

انہوں نے کہا کہ این اے 56 اور 57 سے الیکشن قلم دوات کے نشان پر لڑوں گا۔شیخ رشید احمد نے کہا کہ میں 8 مئی سے 16 مئی تک یہاں نہیں تھا، این اے 56 اور 57 سے الیکشن قلم دوات کے نشان پر لڑوں گا۔یاد رہے کہ شیخ رشید اور شیخ راشد شفیق کے خلاف 9 مئی کے مقدمات کی سماعت کے موقع پر سابق وفاقی وزیر شیخ رشید اپنے وکیل سردار عبدالرازق خان کے ہمراہ عدالت میں پیش ہوئے ۔