اسلام آباد ہائیکورٹ، حلقہ این اے 35 کوہاٹ اور این اے 36 ہنگو اورکزئی کی حلقہ بندیاں کالعدم قرار

جمعہ 15 دسمبر 2023 21:01

اسلام آباد (اُردو پوائنٹ اخبارتازہ ترین - اے پی پی۔ 15 دسمبر2023ء) اسلام آباد ہائیکورٹ نے قومی اسمبلی کے حلقہ این اے 35 کوہاٹ اور این اے 36 ہنگو اورکزئی کی حلقہ بندیاں کالعدم قرار دے دیں۔چیف جسٹس عامر فاروق کی عدالت نےمحفوظ شدہ فیصلہ سنایا۔

(جاری ہے)

اپنے فیصلہ میں عدالت نے الیکشن کمیشن کو تمام فریقین کو دوبارہ سن کر ازسرنو حلقہ بندی کرنے کی ہدایت کی اور کہاکہ الیکشن کمیشن درخواست گزار کا موقف سن کر ٹھوس فیصلہ کرے۔

درخواست گزار بیرسٹر عمر اعجاز گیلانی نے موقف اختیار کیا تھا کہ قانون کے مطابق تمام حلقوں کی آبادی برابر ہونی چاہیے،درخواست گزار کا موقف تھا کہ کوہاٹ کے حلقے کی آبادی ہنگو کے حلقے سے تین لاکھ زائد ہے،درخواست گزار کا موقف تھا کہ الیکشن کمیشن کی نئی حلقہ بندیوں سے علاقے کے عوام کا حق رائے دہی مجروح ہوتا ہے۔