پی ٹی آئی کا امیدواروں کو ہراساں کرنے،لیول پلینگ فیلڈ نہ ملنے پر الیکشن کمیشن سے رجوع

آر اوز اور ڈی اراوز کی جانب سے تحریک انصاف کی امید واروں کے کاغذات نامزدگی نہیں لیے جا رہے

جمعرات 21 دسمبر 2023 22:25

لاہور(اُردو پوائنٹ اخبارتازہ ترین - آن لائن۔ 21 دسمبر2023ء) امیدواروں کو ہراساں کرنے کیخلاف اور لیول پلینگ فیلڈ مہیا نہ ہونے پر تحریک انصاف نے الیکشن کمیشن سے رجوع کرلیا،ترجمان پی ٹی آئی شعیب شاہین نے درخواست دائر کر دی، شواہد بھی جمع کرادیئے ۔درخواست میں مختلف اضلاع کی انتظامیہ کی حوالے سے تحفظات کا اظہار کیا گیا ہے ۔ درخواست میں موقف اپنایا گیاکہ پاکستان تحریک انصاف کے امیدواروں کے کاغذات نامزدگی وصول نہیں کیے جا رہے ، الیکشن کمیشن پاکستان تحریک انصاف کو لیول پلیئنگ فیلڈ مہیا کرے، ار اوز اور ڈی اراوز کی جانب سے پاکستان تحریک انصاف کی امید واروں کے کاغذات نامزدگی نہیں لیے جا رہے۔

بعض اضلاع میں ڈی ار اوز کی جانب سے پاکستان تحریک انصاف کے امیدواروں کاغذات نامزدگی نہیں دیے جا رہے ، درخواست میں بتایا گیا کہ کچھ اضلاع میں ڈی ار اوز اور ار اوز کے دفاتر بند کر دیے گئے ہیں۔

(جاری ہے)

علاوہ ازیں پی ٹی آئی رہنماوں سے کاغذات نامزدگی چھیننے کا اقدام لاہور ہائیکورٹ میں چیلنج کر دیا گیا، درخواست میں استدعا کی گئی کہ الیکشن لڑنے سے روکنا آئین کی خلاف ورزی ہے، عدالت کاغذات نامزدگی چھیننے والوں کے خلاف کارروائی کا حکم دے ۔

گذشتہ روز بیرسٹر عمیر خان نیازی کے والد نے بتایا کہ پولیس افسر نے ان کے کاغذات نامزدگی چین لیے اور ریٹرننگ افسر نے بھی مدد سے انکار کیا ہے۔ بیرسٹر عمیر خان نیازی کے والد ریٹائرڈ جج ضیا اللہ نیازی سے ریٹرنگ آفیسر این اے 90 میانوالی کے دفتر کے باہر نامزدگی فارم پولیس نے چھین لیا گیا تھا۔پی ٹی آئی وکلا کاکہنا ہے کہ ہم کسی صورت الیکشن میں تاخیر نہیں چاہتے، 8 فروری کی تاریخ آچکی ہے لیکن لیول پلینگ فیلڈ کی بات کریں تو ملک بھر میں ہمارے امیدواروں سے کاغذات نامزدگی چھینے جارہیہیں، تجویز اور تائند کنندگان اور وکلا کو گرفتار کیا جا رہا ہے ۔