رحیم یار خان،اسکروٹنی کیلئے آنیوالے پی ٹی آئی امیدوراوں کے تائید کنندہ گرفتار

بدھ 27 دسمبر 2023 19:55

رحیم یار خان (اُردو پوائنٹ اخبارتازہ ترین - این این آئی۔ 27 دسمبر2023ء) رحیم یار خان سے انتخابات میں حصہ لینے والے پاکستان تحریک انصاف کے امیدواروں کی اسکروٹنی کیلئے آئے 13 تجویز کنندہ کو پولیس نے ریٹرننگ افسران کے دفاتر کے باہر سے حراست میں لے لیا۔پی ٹی آئی امیدواروں کے وکلاء کے مطابق امیدواروں کو کاغذات نامزدگی کا عمل مکمل نہیں کرنے دیا جا رہا۔

(جاری ہے)

پولیس پی ٹی آئی کے رہنماؤں کو حراساں کر رہی ہے۔حلقہ این اے 173 سے پی ٹی آئی امیدواروں کے پانچ تجویز کنندہ کو حراست میں لیا گیا۔ حلقہ پی پی 259 سے 7 اور حلقہ پی پی 263 سے پی ٹی آئی امیدوار کے ایک تجویز کنندہ کو حراست میں لیا گیا۔دوسری جانب پولیس کے مطابق پی ٹی آئی امیدواروں کی اسکروٹنی کیلئے آئے متعدد تجویز کنندہ کو گرفتار کیا گیا۔ پی پی 263 کے آر او کے دفتر میں پی ٹی آئی امیدوار اور وکلاء کی جانب سے ہنگامہ آرائی کی گئی۔