شوبز انڈسٹری میں گورے رنگ کو زیادہ پسند کیا جاتا ہے، آمنہ الیاس

منگل 2 جنوری 2024 21:09

کراچی (اُردو پوائنٹ اخبارتازہ ترین - آن لائن۔ 02 جنوری2024ء) معروف ماڈل و اداکارہ آمنہ الیاس کا کہنا ہے کہ شوبز انڈسٹری میں گورے رنگ کو زیادہ اہمیت دی جاتی ہے۔ اپنے ایک انٹرویو میںاٴْنہوں نے بتایا کہ میں نے سانولی رنگت کی حمایت میں اپنی آواز اس لیے اٴْٹھائی کہ مجھے بہت برا محسوس ہوتا تھا جب میک اًپ آرٹسٹ مجھے میک اًپ کے ذریعے گورا دکھاتے تھے۔

انہوں نے کہا کہ مجھے انڈسٹری میں آنے سے پہلے یہ پتہ ہی نہیں تھا کہ دنیا میں انسانوں کو ان کی رنگت کی بنیاد پر بھی اہمیت دی جاتی ہے۔اٴْنہوں نے بتایا کہ ہمارے گھر میں ہم سب لوگ سانولے ہی ہیں تو ہمیں کبھی کسی نے رنگت پر کچھ نہیں کہا تھا۔ انہوں نے کہا مزید کہ جب میں نے ماڈلنگ شروع کی اور شوٹنگ کے لیے تیار ہونے کے بعد جب مجھے یہ لگ رہا ہوتا تھا کہ میں بہت دلکش نظر آ رہی ہوں لیکن اچانک سے کوئی آئے اور مجھے صرف میری سانولی رنگت کی وجہ سے نیچا دکھانے کی کوشش کرے اور میک اًپ آرٹسٹ میرے رنگ کو میک اًپ سے گورا کرے تو یہ سب دیکھ کر مجھے بہت برا محسوس ہونے لگا۔

(جاری ہے)

اٴْنہوں نے کہا کہ ایسا سلوک دیکھ کر کوئی بھی انسان احساسِ کمتری کا شکار ہوسکتا ہے اور کسی بھی انسان کی ذہنی صحت متاثر ہو سکتی ہے تو اس لیے میں نے اس مسئلے کی نشاندہی کی اور اس پر اپنی آواز اٴْٹھائی۔