سشانت سنگھ کی گرل فرینڈ کا اداکار کی موت سے متعلق نیا انکشاف

بدھ 3 جنوری 2024 21:36

ممبئی (اُردو پوائنٹ اخبارتازہ ترین - آن لائن۔ 03 جنوری2024ء) آنجہانی بھارتی اداکار سشانت سنگھ کی خودکشی سے متعلق ان کی سابقہ گرل فرینڈ انکیتا لوکھنڈے کا نیا انکشاف سامنے آیا ہے۔ انڈین اداکارہ انکیتا لوکھنڈے مشہور ریئلٹی شو بگ باس سیزن 17 کا حصہ ہیں جہاں انہوں نے نامور کامیڈین منور فاروقی کے ساتھ گفتگو کی ہے۔

(جاری ہے)

بھارتی اداکارہ کا کہنا تھا کہ سشانت سنگھ خودکشی سے قبل کسی وجہ سے ٹوٹ گیا تھا اوراس کے ساتھ یہ نہیں ہونا چاہئے تھا۔

انہوں نے کہا کہ سشانت کے دماغ میں بہت کچھ تھا لیکن وہ سب ضائع ہوگیا اور جب ان کے سامنے اداکار کی لاش آئی تو انہیں لگا کہ سب ختم ہوگیا ہے۔انکیتا لوکھنڈے نے بتایا کہ اداکار کی خودکشی کے بعد سوشل میڈیا پر ان کی شدید کردار کشی کی گئی جس پر انہوں نے کئی افراد کو بلاک کیا۔واضح رہے کہ سشانت سنگھ اور انکیتا ٹی وی سیریز پویتر رشتہ میں جوڑی کی صورت میں سامنے آئے اور وہ سات برس تک تعلقات میں رہے۔