لوگ بولڈ کپڑے پہننے پر میری تصاویر میرے بھائی کو ٹیگ کرتے ہیں، حمائمہ ملک

لوگوں کو سمجھنا چاہئے میں اور میرا بھائی الگ الگ شخصیات ہیں ، میں اپنی غلطیوں کی خود ذمہ دار ،وہ اپنے اعمال کا خود جوابدہ ہے

جمعہ 5 جنوری 2024 22:55

لوگ بولڈ کپڑے پہننے پر میری تصاویر میرے بھائی کو ٹیگ کرتے ہیں، حمائمہ ..

کراچی (اُردو پوائنٹ اخبارتازہ ترین - این این آئی۔ 05 جنوری2024ء) اداکارہ حمائمہ ملک نے کہا ہے کہ بولڈ کپڑے پہننے پر لوگ میری تصاویر میرے بھائی کو ٹیگ کرتے ہیں،لوگوں کو سمجھنا چاہئے میں اور میرا بھائی الگ الگ شخصیات ہیں ، میں اپنی غلطیوں کی خود ذمہ دار ،وہ اپنے اعمال کا خود جوابدہ ہے۔

(جاری ہے)

ایک پوڈ کاسٹ میں گفتگو کرتے ہوئے اداکارہ حمائمہ ملک نے کہا کہ دیگر بہت سی اداکارائیں ہیں جو مجھ سے زیادہ بولڈ کپڑے پہنتی ہیں لیکن انہیں کوئی کچھ نہیں کہتا اگر میں بولڈ کپڑے پہن لوں تو میری تصاویر کے کمنٹس میں لوگ میرے بھائی کو ٹیگ کرتے ہیں اور کہتے ہیں اپنی بہن کو دیکھو یا اس کی تصویروں پر مجھے مینشن کرتے ہیں کہ اپنے بھائی کو دیکھ لو۔

انہوں نے کہا کہ ٹھیک ہے میرا بھائی دیندار شخص ہے، وہ سوشل میڈیا پر زیادہ تر چیزیں نہیں دیکھتا لیکن لوگوں کو بھی سوچنا چاہئے کہ میں اور میرا بھائی دو الگ الگ شخصیات ہیں ،ہم دونوں کی الگ الگ ترجیحات ہیں، میں اپنی غلطیوں کی خود ذمہ دار ہوں اور وہ بھی اپنے اعمال کا خود جوابدہ ہے۔