شاہ چارلس کی طبیعت بگڑ گئی؛ شہزادی کیتھرین بھی اسپتال میں داخل

شاہی فرائض کی انجام دہی میں چارلس سوم کی اہلیہ کیملامتحرک

جمعہ 19 جنوری 2024 20:10

شاہ چارلس کی طبیعت بگڑ گئی؛ شہزادی کیتھرین بھی اسپتال میں داخل

لندن (اُردو پوائنٹ اخبارتازہ ترین - آن لائن۔ 19 جنوری2024ء) برطانیہ کی شہزادی آف ویلز کیتھرین کو پیٹ میں شدید درد کے باعث اسپتال میں داخل کیا گیا جہاں ان کی سرجری ہوئی جب کہ بادشاہ شاہ چارلس سوم کی طبیعت بھی ناساز ہے۔ برطانوی میڈیا کے مطابق 42 سالہ شہزادی آف ویلز کیتھرین کی پیٹ کی کامیاب سرجری ہوگئی تاہم وہ مزید 2 ہفتوں تک اسپتال میں ہی رہیں گی جب کہ مکمل صحت یابی اور معمول کے فرائض کی انجام دہی میں مہینہ لگ سکتا ہے۔

(جاری ہے)

شاہ محل سے اری بیان میں آپریشن کی وضاحت کیے بغیر کہا گیا کہ پیٹ کا آپریشن کامیاب رہا اور اس کا کینسر سے کوئی تعلق نہیں تھا۔ پرنسس آف ویلز شہزادی کیتھرین سے اسپتال میں ان کے شوہر شہزادہ ولیم نے بھی ملاقات کی۔41 سالہ پرنس آف ویلز شہزادہ ویلیم نجی ہسپتال میں اپنی اہلیہ کی دیکھ بھال میں مصروف ہیں جب کہ 75 سالہ بادشاہ چارلس سوم کو بھی پروسٹیٹ کا آپریشن کرانا ہے جس کے لیے ان کے اسپتال میں ٹیسٹ بھی کرائے گئے۔اس طرح تینوں شاہی شخصیات، شاہ چارلس، شہزادہ ویلیم اور شہزادی کیتھرین اس وقت شاہی فرائض کی انجام دہی کے لیے دستیاب نہیں۔یہی وجہ ہے کہ شاہی فرائض کی انجام دہی میں شاہ برطانیہ چارلس سوم کی 71 سالہ اہلیہ کیملا کافی متحرک نظر آرہی ہیں۔