آئی ایم ایف کی شرط پر گیس مزید 65فیصد مہنگی،منظوری دیدی گئی

پروٹیکٹڈ صارفین کیلئے گیس قیمتوں میں100روپے فی ایم ایم بی ٹی یو اضافہ اورنان پروٹیکٹڈ صارفین کیلئے 300روپے فی ایم ایم بی ٹی یو اضافے کی منظوری

جمعرات 15 فروری 2024 23:04

اسلام آباد(اُردو پوائنٹ اخبارتازہ ترین - این این آئی۔ 15 فروری2024ء) حکومت نے آئی ایم ایف کی شرط پر گیس مزید 65فیصد مہنگی کردی۔نجی ٹی وی کے مطابق وفاقی کابینہ نے گیس کی قیمتوں میں اضافے کی منظوری دے دی۔ ذرائع کے مطابق پروٹیکٹڈ صارفین کیلئے گیس قیمتوں میں 100روپے فی ایم ایم بی ٹی یو اضافہ کیا گیا ہے۔

(جاری ہے)

ذرائع کے مطابق وفاقی کابینہ نے نان پروٹیکٹڈ صارفین کیلئے گیس قیمتوں میں 300روپے فی ایم ایم بی ٹی یو اضافے کی منظوری دی ہے۔

علاوہ ازیں بلک میں گیس استعمال کرنے والوں کیلئے فی ایم ایم بی ٹی یو قیمتوں میں 900روپے کا اضافہ، سی این جی سیکٹر کیلئے فی ایم ایم بی ٹی یو قیمتوں میں 170روپے کا اضافہ کیا گیا ہے۔ذرائع کے مطابق سی این جی سیکٹر کے لیے فی ایم ایم بی ٹی یو قیمتوں میں 170روپے اضافہ اور کھاد کارخانوں کیلئے بھی گیس کا ریٹ معمولی بڑھایا گیا ہے۔