کراچی، جے یو آئی رہنما راشد سومرو احتجاج کے دوران زخمی ہوگئے

حملے کے ذمہ دار وزیر اعلی اور آئی جی سندھ ہیں،ترجما ن جمعیت علماء اسلام

ہفتہ 24 فروری 2024 22:35

کراچی (اُردو پوائنٹ اخبارتازہ ترین - این این آئی۔ 24 فروری2024ء) کراچی میں مبینہ انتخابی دھاندلی کے خلاف احتجاج کے دوران جمعیت علما اسلام کے رہنما راشد سومرو زخمی ہوگئے ہیں۔ترجمان جے یو آئی کے مطابق احتجاج کے دوران پارٹی رہنما راشد سومرو زخمی ہوئے ہیں، ان پر حملے کے ذمہ دار وزیر اعلی اور آئی جی سندھ ہیں۔

(جاری ہے)

جمعیت علما اسلام کا کہنا ہے کہ پریس کلب جانے سے روکنے پر کارکنان نے شارع فیصل نرسری پر دھرنا دے دیا۔

اس سے قبل کراچی میں نرسری کے مقام پر پولیس اور جمعیت علما اسلام کے مظاہرین آمنے سامنے آگئے تھے، جے یو آئی کارکنان نے کارساز کے مقام سے شارع فیصل کے لیے ٹریفک کھول دی تھی، کارکن کارساز پر سڑک کنارے بیٹھ گئے تھے۔جے یو آئی سندھ کے سیکریٹری جنرل راشد محمود سومرو سمیت جے یو آئی ف کے کارکنان کو پولیس نے کراچی ٹول پلازہ پر روک دیا تھا۔