پ*سندھ کابینہ کے ممکنہ امیدواروں کی ابتدائی فہرست منظر عام پر آگئی

پیر 26 فروری 2024 21:00

]کراچی (اُردو پوائنٹ اخبارتازہ ترین - آن لائن۔ 26 فروری2024ء) سندھ کابینہ کے ممکنہ امیدواروں کی ابتدائی فہرست ’ نجی ٹی وی چینل کو موصول ہوگئی۔کابینہ میں عذرا فضل پیچوہو، ناصر حسین شاہ، شرجیل میمن، سعید غنی کے ناموں پر غور، آغا سراج درانی، مکیش کمار کے ناموں پر بھی غور جاری ہے، سید سردار شاہ، جام خان شورو، ضیاالحسن لنجار اور شیراز شوکت کے نام بھی زیر غور ہیں۔

(جاری ہے)

علی حسن زرداری کا نام بھی کابینہ کے لئے زیر غور ہے، ضلع دادو، خیر پور، تھرپارکر، مٹیاری، ملیر کراچی اور لیاری کراچی سے بھی ارکان کابینہ میں شامل کئے جائیں گے، ان اضلاع سے امیدوارں کی تعدد ایک سے زائد ہے، جس کے باعث حتمی ناموں کا فیصلہ نہیں ہو سکا ہے، سندھ کابینہ کے ابتدائی مرحلے میں کابینہ مختصر رکھی جا سکتی ہے۔ابتدائی طور پر صحت، بلدیات، لیبر، آبپاشی اور محکمہ داخلہ کے قلمدان تفویض ہوں گے، قانون، اطلاعات، ٹرانسپورٹ، ورک اینڈ سروسز، ایجوکیشن، ریونیو سمیت دیگر قلمدان بھی تفویض کئے جائیں گے۔