Yکراچی میں یکم مارچ سے بادل برسنے کی پیش گوئی

بدھ 28 فروری 2024 20:30

Nکراچی(اُردو پوائنٹ اخبارتازہ ترین - آن لائن۔ 28 فروری2024ء) گوادر میں شدید بارشیں جاری ہیں، جبکہ کراچی میں یکم مارچ سے بادل برسنے کی پیش گوئی سامنے آئی ہے۔چیف میٹرولوجسٹ سردار سرفراز کا کہنا ہے کہ سردیوں کی بارش عموماً اتنی شدت کی نہیں ہوتی، کل سے ملک پر نئے سسٹم کے تحت ہیوی اسپل دکھائی دے رہا ہے۔ان کا کہنا ہے کہ گودار میں اس بار غیر معمولی بارش ہوئی ہے، یہاں ان مہینوں میں اتنی بارش پہلے کبھی نہیں ہوئی۔

(جاری ہے)

چیف میٹرولوجسٹ سردار سرفراز نے کہا ہے کہ کراچی میں گزشتہ 2 دن تیز ہوا چلی، جبکہ اس میں کمی آچکی ہے۔انہوں نے بتایا ہے کہ گوادر میں آج دوبارہ تیز بارش کا امکان ہے، جبکہ یکم مارچ سے کراچی میں بھی بارش کا امکان ہے۔چیف میٹرولوجسٹ سردار سرفرازکا مزید کہنا ہے کہ جنوری اور فروری میں پہاڑوں پر پڑنے والی برف زیادہ دیر نہیں رہتی۔ان کا یہ بھی کہنا ہے کہ کے پی کے کچھ علاقوں میں طوفانی بارش ہوسکتی ہے جس کے باعث لینڈ سلائیڈنگ کا خدشہ ہے۔واضح رہے کہ گزشتہ 24 گھنٹوں سے بھی زائد سے گوادر، جیونی اور سر بندن سمیت بلوچستان کے مختلف علاقوں میں شدید و طوفانی بارشوں نے تباہی مچا رکھی ہے۔

Facebook Twitter Google + Share on Whatsapp

Yکراچی میں یکم مارچ سے بادل برسنے کی پیش گوئی

متعلقہ عنوان :

مزید قومی خبریں